Fana: At a Speed of Life!

ኒጀር ከቀድሞው ሥርዓት ጋር ግንኙነት አላቸው ያለቻቸውን 1 ሺህ ዲፕሎማቶች ፓስፖርት ሠረዘች

አዲስ አበባ፣ መስከረም 4፣ 2016 (ኤፍ ቢ ሲ) አዲሱ የኒጀር ወታደራዊ መንግሥት ከቀድሞው ሥርዓት ጋር ግንኙነት አላቸው ያላቸውን 1 ሺህ ያኅል ዲፕሎማቶች ፓስፖርት መሠረዙ ተገለጸ፡፡

አዲሱ ወታደራዊ የኒጀር መንግሥት ያገዳቸው ዲፕሎማሲያዊ ፓስርቶች እና ሠነዶች በቀድሞው መንግሥት አሥተዳደር የተቋማት እና የሚኒስቴር መሥሪያ ቤቶች ከፍተኛ ባለሥልጣናት የነበሩትን ነው ተብሏል፡፡

እንደ ኤ ኤን ፒ ዘገባ ÷ የፕሬዚዳንቱ እና የጠቅላይ ሚኒስትሩን ጨምሮ የቀድሞ የፓርላማ አባላትን እና የተለያዩ የመንግሥት አማካሪዎች ፓስፖርቶች እና ሠነዶች ተሰርዘዋል፡፡

የሀገሪቷ የውጭ ጉዳይ ሚኒስቴር በማኅበራዊ ትሥሥር ገጹ ባወጣው ማስታወቂያ ፓስፖርቶቹ ጠፍተዋል ሲል አስታውቋል፡፡

በቀድሞው መንግስት ከተሠጡት ፓስፖርቶች መካከል 50 ያኅሉ ለአሜሪካውያን ፣ እንግሊዛውያን ፣ ፈረንሳያውን ፣ ሊቢያውያን ፣ ቱርካውያን እንዲሁም ሌሎች የምዕራብ አፍሪካ ዜግነት ላላቸው የተሠጡ ነበሩ፡፡

የቀድሞው የኒጀር ፕሬዚዳንት ሞሀመድ ባዙም በፈረንጆቹ ሐምሌ 26 ከሥልጣን የተወገዱ ሲሆን ከዚያን ጊዜ ጀምሮ በመኖሪያ ቤታቸው በቁም ዕሥር ላይ ይገኛሉ፡፡

ከነኀሤ ወር መገባደጃ ጀምሮም አዲሱ ወታደራዊ መንግሥት ከሀገር ውጭ የነበሩትን የጠቅላይ ሚኒስትሩን፣ የውጭ ጉዳይ ሚኒስትሩን እና በፈረንሳይ የኒጀር አምባሳደርን ጨምሮ የሌሎችን ባለሥልጣናት ፓስፖርቶች ሰርዟል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.