Fana: At a Speed of Life!

ከመስከረም 7 እስከ 11 የትምህርት ሳምንት ሆኖ እንደሚከበር ተገለጸ

አዲስ አበባ፣ መስከረም 5፣ 2016 (ኤፍ ቢ ሲ) ከመስከረም 7 እስከ 11 ቀን 2016 ዓ.ም የትምህርት ሳምንት ሆኖ እንደሚከበር የትምህርት ሚኒስቴር አስታወቀ፡፡

ሚኒስቴሩ አጠቃላይ የትምህርት ዘርፍ የ2016 ዓ.ም ሀገር አቀፍ የትምህርት ካላንደርን በዛሬው እለት ይፋ አድርጓል፡፡

ክልሎች በብሔራዊ ፈተናና በተለያዩ ክልላዊ ነባራዊ ሁኔታዎች መነሻ የተወሰኑ የቀናት ለውጦች ሊያደርጉ እንደሚችሉም አመልክቶ፤ ከመስከረም 7 እስከ 11 ቀን 2016ዓ.ም የትምህርት ሳምንት ሆኖ እንደሚከበር አስታውቋል።

እንዲሁም መስከረም 14 ቀን 2016 ዓ.ም የአንደኛው ወሰነ ትምህርት መደበኛ የክፍል ውስጥ ትምህርት እንደሚጀምር ጠቅሶ÷ በዚሁ ቀን የሬዲዮና የቴሌቪዥን ሥርጭትም ይጀምራል ነው ያለው፡፡

ከጥር 27 እስከ የካቲት 1 ቀን 2016 ዓ.ም የመጀመሪያው ወሰነ ትምህርት የማጠቃላያ ፈተና እንደሚሰጥም ጠቁሟል።

በተጨማም ከየካቲት 4 እስከ 8 ቀን 2016 ዓ.ም ትምህርት ቤቶች ለተማሪዎች ዝግ ሆነው የተማሪዎች ፈተና የሚታረምበት፣ ውጤት የሚጠናቀርበትና የሚገለጽበት ጊዜ እንደሚሆን ገልጿል፡፡

የካቲት 18 ቀን 2016 ዓ.ም የሁለተኛው ወሰነ ትምህርት መደበኛ የክፍል ውስጥ ትምህርት እንደሚጀምር የገለጸው ሚኒስቴሩ÷ በዕለቱም የሬዲዮና የቴሌቪዥን ሥርጭት እንደሚጀምር ነው ያመላከተው፡፡

ከግንቦት 12 ቀን እስከ 23 ቀን 2016 ዓ.ም የ12ኛ ክፍል ፈተና እንደሚሰጥ ገልጿል።

ከሰኔ 3 እስከ 7 ቀን 2016 ዓ.ም የ8ኛ ክፍል መካከለኛ ደረጃ ማጠናቀቂያ ክልላዊ ፈተና እንደሚሰጥ የተገለጸ ሲሆን÷ ከሰኔ 17 እስከ 21 ቀን 2016 ዓ.ም የሁለተኛው ወሰነ ትምህርት ማጠቃለያ የፈተና ጊዜ ይሆናል ተብሏል፡፡

ሰኔ 30 ቀን 2016 ዓ.ም ወላጆች እና የትምህርት ማኅበረሰብ በተገኙበት የአመቱ ትምህርት ማጠናቀቂያ እንደሚሆን የሚኒስቴሩ መረጃ ያመላክታል፡፡

You might also like

Leave A Reply

Your email address will not be published.