Fana: At a Speed of Life!

የጌዴኦ ባሕላዊ መልክዓ- ምድር በዩኔስኮ ተመዘገበ

አዲስ አበባ፣ መስከረም 6፣ 2016 (ኤፍ ቢ ሲ) በጌዴኦ ዞን የሚገኘው የጌዴኦ ባሕላዊ መልክዓ- ምድር በተባበሩት መንግሥታት የትምህርት፣ የሣይንስ እና የባሕል ድርጅት (ዩኔስኮ) ተመዘገበ፡፡

የጌዴኦ ባሕላዊ መልክዓ- ምድር በዩኔስኮ የተመዘገበው በሪያድ እየተካሄደ በሚገኘው 45ኛው የዓለም ቅርስ ኮሚቴ ጉባዔ ላይ ነው፡፡

በጉባዔው ላይም ስለ ጌዴኦ ባሕላዊ መልክዓ-ምድር ዝርዝር ማብራሪያ ቀርቦ ውይይት ከተደረገበት እና አስተያየት ከተሰጠበት በኋላ ነው ምዝገባው የጸደቀው፡፡

ይህም በኢትዮጵያ የተመዘገቡትን የባሕልና ተፈጥሮ ቅርሶች ወደ 10 ሲያሳድግ÷ ለአፍሪካ ደግሞ 100ኛ ሆኖ መመዝገቡን የቱሪዝም ሚኒስቴር መረጃ ያመላክታል፡፡

የጌዴኦ ባሕላዊ መልክዓ- ምድር ኮንሶ ከተመዘገበ ከ12 ዓመታት በኋላ ነው በዛሬው ዕለት በዓለም ቅርስነት የተመዘገበው፡፡

በጌዴኦ ዞን የሚገኙትን የጌዴኦ ማሕበረሰብ የመሬት አያያዝ፣ ታሪካዊ ቅርሶች፣ ትክል ድንጋዮች፣ የዋሻ ላይ ጽሑፍና በባሕላዊ መንገድ ብቻ የሚተዳደሩ ደኖችን በዩኔስኮ ለማስመዝገብ ጥረት ሲደረግ መቆየቱ ይታወሳል፡፡

የቅርሶቹ መመዝገብ በቱሪዝሙ ዘርፍ የራሱን አዎንታዊ ሚና እንደሚያበረክት ይታመናል፡፡

You might also like

Leave A Reply

Your email address will not be published.