Fana: At a Speed of Life!

በባሮ ወንዝ ሙላት ለተፈናቀሉ ወገኖች ድጋፍ እንዲደረግ ጥሪ ቀረበ

አዲስ አበባ፣ መስከረም 6፣ 2016 (ኤፍ ቢ ሲ) በጋምቤላ ከተማ የባሮ ወንዝ ሞልቶ በ 01፣ 02፣ 04 እና 05 ቀበሌዎች ባስከተለው ጉዳት በርካታ ነዋሪዎች ከቀያቸው መፈናቀላቸው ተገለጸ፡፡

ከሌላው ጊዜ በተለየ ሁኔታ ከፍተኛ ጉዳት እንደደረሰባቸውና የውሃ ሙላቱ ሌሊት በመከሰቱ ምክንያት ያተረፋት ንብረት እንደሌለ የቀበሌዎቹ ነዋሪዎች ለክልሉ መገናኛ ብዙኃን ተናግረዋል፡፡

በጎርፉ አደጋ ምክንያት ከቀያቸው መፈናቀላቸውን እንዲሁም የቤት እንስሳቶቻቸውን ጨምሮ ሌሎች ንብረቶች መወሰዳቸውን ገልጸዋል፡፡

የውሃ መጠኑ አሁንም እየጨመረ ስለሆነ ተጨማሪ ጉዳት ሳይደርስ መፍትሄ እንዲበጅ ነዋሪዎቹ ጠይቀዋል፡፡

የጋምቤላ ከተማ ከንቲባ ተወካይና የጤና ጽሕፈት ቤት ኃላፊ ሳይመን ቲያች የደረሰው ጉዳት ከፍተኛ መሆኑ ገልፀው የጉዳቱ ሰለባ የሆኑ ነዋሪዎችን የመለየት ስራ እየተከናወነ መሆኑን ተናግረዋል።

ጉዳት የደረሰባቸውን ወደ አንድ ስፍራ ለመውሰድና ድጋፍ ለማድረግ እየተሰራ መሆኑንም ጠቁመዋል፡፡

የከተማው አደጋ መከላከልና ዝግጁነት ጽሕፈት ቤት ኃላፊ ክላኝ ቱት በበኩላቸው÷ መንግስት ከሚያደርገው ድጋፍ በተጨማሪ መንግስታዊ ያልሆኑ ድርጅቶች የበኩላቸውን እንዲወጡ ጥሪ አቅርበዋል፡፡

You might also like

Leave A Reply

Your email address will not be published.