Fana: At a Speed of Life!

የዓለም የሴቶች የሰላም ጉባኤ በደቡብ ኮሪያ እየተካሄደ ነው

አዲስ አበባ፣ መስከረም 8 ፣ 2016 (ኤፍ ቢ ሲ) የዓለም የሴቶች የሰላም ጉባኤ “የሴቶች ሚና ለዘላቂ ሰላም” በሚል መሪ ቃል በዓለም የሴቶች የሰላም ተቋም አዘጋጅነት በኢንችን ደቡብ ኮሪያ እየተካሄደ ነው።

በጉባኤው ላይ ቀዳማዊ እመቤቶች፣ የቀድሞ የሀገራት መሪዎች፣ የሴቶችና ህጻናት ጉዳይ ሚኒስትሮች፣ የሰብአዊ መብት ተሟጋቾች፣ የሴቶች ማህበራት ተወካዮች እና የህግ ባለሙያዎች በመሳተፍ ላይ ናቸው።

ጉባኤው የሰላም ትምህርትን ማስፋፋት፣ የሰላም ባህልን ማዳበር እና የሰላም ጉዳዮችን ተቋማዊ ማድረግ በሚያስችሉ ጉዳዮች ላይ እየመከረ ሲሆን በተለያዩ ሀገራት በሴቶች የተመሩ ውጤታማ የሰላም ሂደት ተሞክሮዎች ቀርበውበታል።

የዓለም የሴቶች የሰላም ተቋም ሊቀመንበር ህዩን ሶክ ዩን በሁሉም የዓለም ክፍሎች የሚታዩ አውዳሚ ግጭቶችን ለማስቆም ሰላምን ተቋማዊ ማድረግ እና የእለት ተእለት የህይወት መመሪያ ማድረግ እንደሚያስፈልግ ጠቁመዋል።

ተቋማቸው ከሴቶች ማህበራት፤ ከፍተኛ ትምህርት ተቋማት እና ከማህበረሰብ መሪዎች ጋር በመተባበር እያካሄዳቸው ያሉ ስራዎች ውጤት በማስመዝገብ ላይ መሆናቸውንም ገልጸዋል።

በተለይም በተለያዩ አግባቦች እየተሰጡ ያሉ የሰላም ትምህርት ስራዎች በዚህ ረገድ ተጠቃሽ መሆናቸውን በማንሳት፥ ሰላምን ለማስፈን ለሚሰሩ አካላት ማንኛውንም ድጋፍ ለማድረግ ተቋማቸው ዝግጁ መሆኑን ተናግረዋል።

የኢትዮጵያ በሴቶች ማህበራት ኔትወርክ ፕሬዚዳንት ሳባ ገብረመድህን እና የኢትዮጵያ መምህራን ማህበር ፕሬዚዳንት ዮሃንስ በንቲ (ዶ/ር) ኢትዮጵያን ወክለው በጉባኤው ላይ እየተሳተፉ ነው።

በወንደሰን አረጋኸኝ

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.