Fana: At a Speed of Life!

በምርቶችና ሸቀጦች ላይ ያለአግባብ የዋጋ ጭማሪ እንዳይኖር ጥብቅ ቁጥጥር ማድረግ ያስፈልጋል ተባለ

አዲስ አበባ ፣ ግንቦት 6፣ ቀ 2012  (ኤፍ.ቢ.ሲ)በምርቶችና ሸቀጦች ላይ አለአግባብ የዋጋ ጭማሪ እንዳይኖር ጥብቅ ቁጥጥር ማድረግ እንደሚያስፈልግ የንግድና ኢንዱስትሪ ሚኒስቴር  ሚኒስትር አቶ መላኩ አለበል ገለጹ።

ሚኒስትሩ ይህንን የገለጹት ከክልልና ከተማ አስተዳደር ንግድ ቢሮ ኃላፊዎች ጋር መደበኛ የቪዲዮ ኮንፈረንስ ውይይት ባካሄዱበት ውቅት ነው ተብሏል።

ብዙ ጊዜ ለወቅታዊ የዋጋ ንረት ምክንያት የሚሆነው የንግድ ዘርፉ የመንግስት ተቋማት ቁጥጥር መለላት ነው ም ነው የተባለው፡፡

ስለሆነም ህብረተሰቡንና የንግድ ማህበረሰቡን ያሳተፈ ዘላቂነትና ተከታታይነት ያለው የቁጥጥር ሥርዓት መዘርጋትና የባለሙያዎችን የስራ እንቅስቃሴ መከታተልና መደገፍ ያስፈልጋል፡፡

ከዚያም ባለፈ የህገ-ወጥ ንግድ ኮንትሮ ባንድ ልዩ ትኩረት ተሰጥቶ በመሰራት የተወሰዱ እርምጃዎች በመገምገም የተገኘውን ውጤት እየለኩ መሄድ እንደ አንድ ቁልፍ ተግባር አደርጎ መውሰድ እንደሚገባ ም ሚኒስትሩ አሳስበዋል፡፡

 

ክልሎችና ከተማ አስተዳደሮች የወጪ ንግድ ምርቶች ላይ ትኩረት ሰጥተው መስራት እንዳለባቸው የጠቆሙት ሚኒስትሩ÷ በኮሮና ቫይረስ መከሰት ምክንያት በምርቶችና ሸቀጦች ላይ  ያለአግባብ የዋጋ ጭማሪ እንዳይኖር ጥብቅ ቁጥጥር ከማድረግ ጎን ለጎን አቅርቦት ማሻሻልና ትስስር መፍጠር ላይ ትኩረት ተደርጎ  መስራት ይገባልም ነው ያሉት።

በመጨረሻም የኮቪድ-19 ሥርጭትን ለመከላከል፣ ለመቆጣጠር እና የሚያስከትለውን ጉዳት ለመቀንስ የወጣውን የአስቸኳይ ጊዜ አዋጅ እና አዋጁን ለማስፈጸም የወጣውን ደንብ ለማስፈጸም በሚኒስትሮች ኮሚቴ የወጣ የግብይት ዘርፍ መመሪያ ላይ ውይይት ማድረጋቸውንየንግድና ኢንዱስትሪ ሚኒስቴር  ያገኘነው  መረጃ ያመላክታል።

 

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።

You might also like

Leave A Reply

Your email address will not be published.