Fana: At a Speed of Life!

ባለፉት 24 ሰአታት ለ3 ሺህ 707 ሰዎች የላቦራቶሪ ምርመራ ተደርጎ 15 ሰዎች የኮሮና ቫይረስ ተገኝቶባቸዋል

አዲስ አበባ ፣ ግንቦት 7 ፣ 2012 (ኤፍ ቢ ሲ) ባለፉት 24 ሰአታት ለ3 ሺህ 707 ሰዎች የላቦራቶሪ ምርመራ ተደርጎ 15 ሰዎች የኮሮና ቫይረስ እንደተገኘባቸው የጤና ሚኒስትሯ ዶክተር ሊያ ታደሰ አስታወቁ።

ሚኒስትሯ በፌስቡክ ገጻቸው እንዳስታወቁት ቫይረሱ የተገኘባቸው ሁሉም ኢትዮጵያውያን ወንዶች ሲሆኑ፥ እድሜያቸው ከ17 እስከ 38 አመት የሚገኙ ናቸው።

ከእነዚህ ውስጥ ስምንቱ ከአዲስ አበባ ሲሆኑ፥ 2 ከቤኒሻንጉል ጉሙዝ ክልል ጉባ ለይቶ ማቆያ፣ 1 ሰው ከአፋር ክልል ሰመራ ለይቶ ማቆያ፣ 1 ሰው ከአማራ ክልል መተማ ለይቶ ማቆያ እንዲሁም 3 ሰዎች ደግሞ ከሶማሌ ክልል ጅግጅጋ ለይቶ ማቆያ ናቸው።

ቫይረሱ ከተገኘባቸው ውስጥ ሰባቱ የውጭ ሃገር የጉዞ ታሪክ ያላቸው ሲሆኑ ሰባቱ በቫይረሱ ከተያዘ ሰው ጋር ንክኪ ያላቸው እንዲሁም አንደኛው ንክኪም ሆነ የውጭ ሃገር ጉዞ የሌለው ነው ብለዋል።

በትናንትናው እለት አራት አዲስ ሰዎች ከአዲስ አበባ ከቫይረሱ ያገገሙ ሲሆኑ፥ ይህም ከቫይረሱ ያገገሙ ሰዎችን ቁጥር 112 አድርሶታል።

168 ሰዎች ደግሞ በቫይረሱ ተይዘው ህክምና እየተደረገላቸው ይገኛል።

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።

You might also like

Leave A Reply

Your email address will not be published.