Fana: At a Speed of Life!

ዘንድሮ 178 ሺህ ተማሪዎች የመውጫ ፈተና እንደሚወስዱ ተገለጸ

አዲስ አበባ፣ ሰኔ 14፣ 2016 (ኤፍ ቢ ሲ) ዘንድሮ 178 ሺህ የዩኒቨርሲቲ ተማሪዎች የመውጫ ፈተና እንደሚወስዱ ትምህርት ሚኒስቴር አስታወቀ፡፡

ለከፍተኛ ትምህርት ተማሪዎች የዩኒቨርሲቲ መውጫ ፈተና እየተሰጠ መሆኑንም ነው ሚኒስቴሩ ያስታወቀው፡፡

በ2015 ዓ.ም በኢትዮጵያ ለመጀመሪያ ጊዜ መሰጠት የተጀመረው የከፍተኛ ትምህርት መውጫ ፈተና÷ የዘንድሮውን ፈተና ዛሬ በማኔጅመንት፣ ጂኦሎጂና ፐብሊክ አድሚኒስትሬሽን እና ዲቨሎፕመንት ማኔጅመንት በመስጠት መጀመሩ ተመላክቷል፡፡

በበይነ-መረብ የሚሰጠው ፈተና እስከ ሰኔ 19 ቀን 2016 ዓ.ም የሚቀጥል ሲሆን÷ ከመንግሥትና የግል ከፍተኛ ትምህርት ተቋማት የተውጣጡ አዲስና ድጋሚ ለፈተና የሚቀመጡ 178 ሺህ ተማሪዎች ይፈተናሉ መባሉን የሚኒስቴሩ መረጃ ያመላክታል፡፡

ለመውጫ ፈተና የተቀመጡ ተማሪዎች በየዩኒቨርሲቲዎቹ የሚሰጠውን የመጨረሻውን መንፈቅ ዓመት ፈተና የወሰዱና የሚሰጡ ትምህርቶችንም ያጠናቀቁ ናቸው ተብሏል፡፡

ለሁሉም የቅድመ ምረቃ እጩ ተመራቂዎች የሚሰጠው የመውጫ ፈተና ከዚህ ቀደም ለሕክምና እና ለሕግ ተማሪዎች ብቻ ይሰጥ እንደነበርም ሚኒስቴሩ አስታውሷል፡፡

You might also like

Leave A Reply

Your email address will not be published.