ግብፅ በህዳሴ ግድብ ላይ ያላት ተቃውሞ ፖለቲካዊ እንጅ ሳይንሳዊ ምክንያት የለውም – ግብፃዊ ምሁር

ምሁሩ አክለውም ግድቡ የውሃው ፍሰት ላይ የሚያመጣው ይህ ነው የሚባል ተፅዕኖ እንደሌለውም አውስተዋል።

በሌላ በኩል የህዳሴ ግድብ ግንባታ ደረጃውን የጠበቀ አይደለም ተብሎ የሚናፈሰው ወሬ ግድቡ ብዙ ጥናት ተደርጎበትና በዓለም አቀፍ ኩባንያ እየተገነባ በመሆኑ የደህንነት ስጋት ሊነሳበት አይገባምም ነው ያሉት።

ግንባታውን የሚያከናውነው ኩባንያ ብር ተቀብሎ ሊፈርስ የሚችል ነገር ሊገነቡ አይችሉም ያሉት ምሁሩ፥ “የአካባቢው መሬት ይንቀጠቀጣል ተብሎ የሚወራውም ምንም እውቀት የሌላቸው የግብጻውያን ወሬ ነው” ብለዋል።

ዲዛይኑም ሆነ ግንባታው በበቂ ጥናት ላይ የተመሰረተና ደረጃውን የጠበቀ በመሆኑ በግድቡ ላይ የጥራት ጥያቄ ለማንሳት የሚያስችል አንዳችም አመክንዮ አለመኖሩንም ተናግረዋል።

እውነታው ይህ ሆኖ ሳለ ግብጽ ጉዳዩን ፖለቲካዊ ከማድረግ ይልቅ ሳይንሳዊ ሁኔታው ላይ የተመሰረተ ድርድር ብታደርግ መልካም መሆኑንም ጠቁመዋል።

ግብፅ ከአፍሪካ በቀዳሚነት ደረጃ ላይ የሚያስቀምጣት የከርሰ ምድር ውሃ ባለቤት እንደሆነችና ይህም ለምዕተ ዓመት የሚያገለግላት ነው መባሉን ኢዜአ ዘግቧል።