የተባበሩት መንግስታት የኢትዮጵያና ሶማሊያን ስምምነት እንደሚደግፍ አስታወቀ

አዲስ አበባ፣ ታሕሣሥ 4፣ 2017 (ኤፍ ኤም ሲ) የተባበሩት መንግስታት በኢትዮጵያና ሶማሊያ መካከል በአንካራ የተደረሰውን ስምምነት እንደሚደግፍ አስታውቋል፡፡

የተባበሩት መንግስታት እንዳለው ፥ ስምምነቱ በወዳጅነት እና በእርስ በርስ መከባበር መንፈስ የመጣ እንደሆነም ገልጿል፡፡

በዚህም የተደረሰውን ስምምነት ተግባራዊነት እውን እንደሚሆን የጠቆመ ሲሆን ፥ ለዚህም ስምምነት ትልቁን ድርሻ የተወጣቸውን ተርኪዬን አመስግኗል፡፡

በዚህም የስምምነቱ ትግበራ ላይ የተባበሩት መንግስታት ድጋፍ እንደሚያደርግ ጠቅሶ ፥ ልዩነቶች በንግግር ለመፍታት የፖለቲካ ፍቃደኝነት እንደሚያስፈልግም ነው የተጠቆመው፡፡

በተመሳሳይ ብሪታኒያ ስምምነቱ የኢትዮጵያን እና የሶማሊያን በጋራ የመልማት ፍላጎት እና ቁርጠኝነት ያሳየ ነው በማለት ስምነቱን እንደምትደግፍ የገለጸች ሲሆን ፥ የትርክዬን ሚናም አድንቃለች።

ብሪታኒያ በቀጣናው መረጋጋት፣ ልማት እና ሰላም እንዲሰፍን ከሀገራቱ ጋር በትብብር ለመስራት ዝግጁ መሆኗንም አስታውቃለች።