ጠቅላይ ሚኒስትር ዐቢይ አሜሪካ ለኢትዮጵያ ላበረከተችው የመተንፈሻ ቬንትሌተሮች ድጋፍ ምስጋና አቀረቡ

እነዚህ መገልገያዎች የደረሱን በቫይረሱ የተያዙ ሰዎች ብዛት በጨመረበት አሳሳቢ ጊዜ ነው ያሉት ጠቅላይ ሚኒስትሩ ተመጣጣኝ የመከላከል እርምጃዎችን መውሰዳችን እንዳለ ሆኖ፣ መዘናጋት እና ቸልታንም እናስወግድ በማለት አሳስበዋል።

አሜሪካ ኢትዮጵያ የኮቪድ-19 ወረርሽኝን ለመከላከል የምታደርገውን ጥረት ለመደገፍ 250 ሜካኒካል ቪንቲሌተሮች ድጋፍ ማድረጓ የሚታወስ ነው።

ድጋፉን በኢትዮጵያ የአሜሪካ አምሳደር ማይክል ራይነር ለጤና ሚኒስትር ዶክተር ሊያ ታደሰ በትናትናው ዕለት አስረክበዋል።

የሜካኒካል ቬንቲለተር የአንዱ ዋጋ 8 ሺህ የአሜሪካ ዶላር ሲሆን÷ አጠቃላይ ዋጋ 70 ነጥብ 9 ሚሊየን ብር ነው።