በፈረንጆቹ 2020 ሊጎበኙ ከሚገባቸው 50 የዓለማችን ቦታዎች መካከል አዲስ አበባ አንዷ ሆናለች

በተጨማሪም ጎብኚዎች የማስፋፊያ ግንባታ የተደረገለት ቦሌ ዓለም አቀፍ አውሮፕላን ማረፊያ ገና ሲደርሱ በከተማዋ ስላለው ለውጥ መመልከት ይችላሉም ነው ያለው።

ከዚያ ውጪ በአዲስ አበባ መካኒሳ አካባቢ የተከፈተው ዞማ ሙዚየም የዚህች የአፍሪካ መዲና የሆነች ከተማ ሌላ አዲስ ገፅታ እንደሆነም አመልክቷል።

ከአዲስ አበባ ቀጥሎም በፔሩ፣ ዩናይትድ ስቴትስ፣ ኦስትሪያና ሜክሲኮ የሚገኙ የተለያዩ ስፍራዎች ከሁለት እስከ አምስት ደረጃን ይዘዋል።

ድረገፁ እነዚህን የዓለማችንን ሊጎበኙ የሚገባቸው ስፍራዎች ብሎ የዘረዘራቸውን አካባቢዎች ሲመርጥ፥ የተለያዩ ጸሁፎችን፣ የቱሪዝም ስታትስቲክስን፣ ዋና ዋና ክስተቶችን ፣ አዳዲስ የበረራ መንገድ ሰንጠረዦችን እና የሆቴል አገልግሎትን በማጥናት መሆኑን ጠቁሟል።