ኢትዮጵያ ያመጠቀቻት ሳተላይት ምድርን መቃኘት ጀመረች

ሳተላይቷ የአየር ንብረት ለውጥን ለመቆጣጠር፣ ከግብርና ጋር የተያያዙ ጥናት እና ምርምሮችን ለመስራት እና ሌሎች ዘርፈ ብዙ ለማከናወን የሚያስችሉ መረጃዎችን ትልካለች ነው የተባለው።

ሳተላይቷ በቻይና ከሚገኝ የማምጠቂያ ማዕከል ከፍተኛ የመንግስት ሃላፊዎች በተገኙበት ወደ ህዋ የመጠቀች ሲሆን፥ በአዲስ አበባ ውስጥም ይህን ታላቅ ታሪካዊ ክስተት የሚዘክሩ በርካታ ዝግጅቶች እየተከናወኑ ነው።

ጠቅላይ ሚኒስትር ዐቢይ አሕመድ ሳተላይቷ በዋናነት ግብርናውን ለማዘመን በእውቀትና በመረጃ ላይ በመንተራስ ስራዎችን ለመስራት የምታግዝ፣ በአፍሪካና በዓለም ገበያ በእውቀት ላይ በመመስረት ለመወዳደር እና ውጤታማ ለማድረግ ታስችላለች ብለዋል።