Fana: At a Speed of Life!

የጅማ ዞን ነዋሪዎች ለመከላከያ ሰራዊት ከ300 በላይ ሰንጋዎችና በጎች ድጋፍ አደረጉ

አዲስ አበባ፣ ህዳር 3፣ 2013 (ኤፍ ቢ ሲ) የጅማ ዞን ነዋሪዎች የጁንታው የህወሓት ቡድንን በመደምሰስ የህግ የበላይነት ለማስከበር ተጋድሎ እያደረገ ላለው የመከላከያ ሰራዊት 127 ሰንጋዎችን፣ 180 በጎችንና 1 ነጥብ 8 ሚሊየን ብር በጥሬ ገንዘብ ድጋፍ አደረጉ፡፡

የዞኑ አስተዳዳሪ አቶ አብዱልሃኪም ሙሉ ድጋፉ ከሃዲው የህወሀት ቡድን ግብዓተ መሬት እስከሚፈፀም ተጠናክሮ ይቀጥላል ብለዋል።

በተመሳሳይ የጅማ ከተማ ባለሀብቶች የህግ ማስከበር ዘመቻው እስከሚጠናቀቅ 26 ተሽከርካርዎችን እና 1 ነጥብ 4 ሚሊየን ብር የሚገመት ለምግብነት የሚውሉ ግብዓቶችን ድጋፍ ማድረጋቸው ተገልጿል።

ነዋሪዎቹ መንግስት ያለ ማንም ጣልቃ ገብነት የሃገሪቷን ሰላም ማስፈን እንደሚችል ገልፀው የህግ የበላይነትን ለማስከበር የጀመረውን እርምጃ አጠናክሮ እንዲቀጥል ጠይቀዋል።

በተጨማሪም ነዋሪዎቹ ለጀግናው የመከላከያ ሰራዊት አባላት የሚያደርጉት ድጋፍ ወደፊትም ተጠናክሮ ይቀጥላል ብለዋል።

በሙክታር ጠሃ

You might also like

Leave A Reply

Your email address will not be published.