Fana: At a Speed of Life!

የአርባምንጭ ከተማ እና የሀላባ ዞን ነዋሪዎች የከሃዲው ህወሓት ቡድንን የሚያወግዝ ሰልፍ አካሄዱ

አዲስ አበባ፣ህዳር 6፣ 2013 (ኤፍ.ቢ.ሲ) የአርባምንጭ ከተማ እና የሀላባ ዞን ነዋሪዎችየከሃዲው ህወሓት ቡድንን የሚያወግዝ ሰልፍ አካሂደዋል።
በሰልፉ ከሀዲው የሕወሓት ቡድን በሽብርተኝነት እንዲፈረጅ እና በዘር ማጥፋት ወንጀል ሊጠየቅ ይገባል ሲሉ የሀላባ ዞን ነዋሪዎች ተናግረዋል፡፡
የህወሓት የጥፋት ቡድን በሰሜን ዕዝ የመከላከያ ሠራዊት ላይ እና በንጹሐን ላይ የፈፀመውን ኢ-ሰብአዊ ድርጊት አውግዘዋል፡፡
ኢትዮጵያን በወጋው በከሀዲው ቡድን ላይ የተጀመረውን ህግ የማስከበር ስራን በመደገፍ ከመንግስት ጎን እንደሚቆሙ ሰልፈኞቹ የገለፁ ሲሆን፣ የቡድኑን አስነዋሪ ተግባር የሚያወግዙ የተለያዩ መፈክሮችን አሰምተዋል፡፡
በሰልፉ ላይም ከሁሉም የዞኑ ወረዳዎች የተውጣጡ የህብረተሰብ ክፍሎች የተሳተፉ ሲሆን፣ 255 ሰንጋዎች፣ 36 ፍየል እና በግ እንደሁም ከመንግሥት ሰራተኛው፣ ከአመራሩ እና ከተለያዩ የህብረተሰብ ክፍሎች በገንዘብ 6 ሚሊየን ብር ለሰራዊቱ ድጋፍ አድርገዋል፡፡
በተያያዘ የአርባምንጭ ከተማ እና አካባቢው ተሳታፊዎች በፈረሰኛ ታጅበው አርባምንጭ ሁለገብ ስታዲየም ሰልፍ አካሂደዋል።
ነዋሪዎቹ በድጋፍ ሰልፉ የህወሓት ቡድን ሀገር ለማፍረስ የሚሰራውን ሴራ በተባበረ ክንድ እንደሚያከሽፉ ተናግረዋል፡፡
በሌላ በኩልተሳታፊዎች ለመከለከያ ሰራዊቱ ድጋፍ የሚሆን 55 በሬችን የወረዳ መዋቅሮች ያበረከቱ ሲሆን የጋሞ ዞን አስተዳደር 1 ሚሊየን 400 ብር እና 20 በሬ ማበርከታቸውን መረጃዎች ያመላክታሉ፡፡
You might also like

Leave A Reply

Your email address will not be published.