Fana: At a Speed of Life!

በጤና ሚኒስትር ዶ/ር ሊያ ታደሰ የተመራ የስራ ኃላፊዎች ቡድን በባህር ዳር የሚገኝ ወታደራዊ ሪፈራል ሆስፒታልን ጎበኘ

አዲስ አበባ፣ ህዳር 28፣ 2013 (ኤፍ.ቢ.ሲ) በጤና ሚኒስትር ዶክተር ሊያ ታደሰ የተመራ ከፍተኛ የአመራሮች ቡድን በባህር ዳር የሚገኘውን ወታደራዊ ሪፈራል ሆስፒታል ጎበኘ።

በጉብኝቱ ላይ የሰላም ሚኒስትር ዲኤታ ወይዘሮ ፍሬዓለም ሽባባው፣ የጤና ሚኒስትር ዲኤታ ዶክተር ደረጀ ዱጉማ፣ ብርጋዴር ጀኔራል ጥጋቡ እና ከፍተኛ አመራሮች ተሳትፈዋል።

ልዑኩ በባህር ዳር ከተማ በመከላከያ ኮንስትራክሽን ድርጅት (መኮድ) ወታደራዊ ዕዝ ውስጥ የሚገኘውን ወታደራዊ ሪፈራል ሆስፒታል እንዲሁም አዲስ ተገንብቶ በመጠናቀቅ ላይ ያለውን ግዙፍ ሆስፒታል ጎብኝቷል።

በጉብኝቱ ወቅት ክልል አቋራጭ አገልግሎትን ተግባራዊ ለማድረግ የተሟላ የአምቡላንስ አገልግሎት እንደሚያስፈልግ ተገልጿል።

እንዲሁም የጤና ተቋሙን መልሶ ከማቋቋም ጎን ለጎን የተጓደሉ ግብዓቶችን መተካት እንዲቻል እና በአስቸጋሪ ወቅቶች በርካታ የስነልቦና ጉዳት የሚደርስባቸው ወገኖች ስለሚኖሩ የማገገሚያ ማዕከል በሀገር ዓቀፍ ደረጃ ቢቋቋም የሚሉ ሀሳቦች ቀርበው ውይይት ተካሂዷል።

በሚመለከታቸው የሴክተር መስሪያ ቤቶችና ሌሎች ባለድርሻ አካላት መካከል የተፈጠረው እንዲህ ያለው የትብብር ጥምረት የተዋጣ ስራ እንዲሰራ ዕድል ሰጥቷልና በቀጣይ የአሰራር ስርዓት ተበጅቶለት ተጠናክሮ እንዲቀጥል አስተያየት ተሰጥቷል።

የልዑካን ቡድኑ አመራር አባላት ለቀረቡት ተግዳሮቶች መፍትሄ የሚበጅበት ሁኔታ እንደሚመቻችና የተነሱት ጠቃሚ ሀሳቦችና አስተያየቶች በቀጣይ ትኩረት እንደሚሰጣቸውና ለተግባራዊነታቸው በትኩረት እንደሚሰራ መግለፃቸውን የሰላም ሚኒስቴር መረጃ ያመለክታል።

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!

You might also like

Leave A Reply

Your email address will not be published.