Fana: At a Speed of Life!

አሜሪካ በቱርክ ላይ ማዕቀብ ጣለች

አዲስ አበባ ፣ ታህሳስ 6፣ 2013 (ኤፍ.ቢ.ሲ) አሜሪካ የኔቶ አባል በሆነችው ቱርክ ላይ ማዕቀብ መጣሏን አስታወቀች፡፡
ማዕቀቡ አንካራ ባለፈው አመት ከሩሲያ የገዛችውን ከምድር ወደ አየር ተወንጫፊ ሚሳኤልን ተከትሎ የተጣለ ነው ተብሏል፡፡
እንደ አሜሪካ አገላለጽ ቱርክ የገዛችው መሳሪያ ከሰሜን አትላንቲክ ጦር ቃል ኪዳን ድርጅት (ኔቶ) ቴክኖሎጅ ጋር አብሮ የማይሄድና የማይጣጣም ነው፡፡
ውስብስብ ነው የሚባሌውና ዘመናዊው ኤስ 400 ሚሳኤል ለቃል ኪዳኑ ጥምረት አደጋ ነው ስትልም አሜሪካ ገልጻለች፡፡
የአሁኑ ማዕቀብም በቱርክ የጦር መሳሪያ ግዥ እና ተዛማጅ ጉዳዮች ላይ የተጣለ መሆኑን የአሜሪካ ውጭ ጉዳይ መስሪያ ቤት አስታውቋል፡፡
ቱርክ በበኩሏ ማዕቀቡን ተገቢነት የሌለው በማለት አሜሪካ በጉዳዩ ላይ እንድታስብበት ጠይቃለች፡፡
ጉዳዩን በዲፕሎማሲያዊ መንገድ ለመፍታት እንደምትሞክርም የሃገሪቱ ውጭ ጉዳይ መስሪያ ቤት ገልጿል፡፡
አሜሪካ ቀደም ብላ ቱርክን ከሩሲያ ከገዛችው የሚሳኤል ሲስተም ጋር ተያይዞ ከኤፍ -35 ተዋጊ አውሮፕላኖች የግዥ ስምምነት ሰርዛታለች፡፡
ምንጭ፡-ቢቢሲ
ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-
የፋና ድረ ገጽ https://www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ
ከዚህ በተጨማሪም በትዊተር ገጻችን https://twitter.com/fanatelevision ይወዳጁን
ዘወትር ከእኛ ጋር ስላሉ እናመሰግናለን!
You might also like

Leave A Reply

Your email address will not be published.