Fana: At a Speed of Life!

የብሔራዊ የበጎ ፈቃድ የማህበረሰብ አገልግሎት ትኩረት ዘላቂ ሰላሟ የተረጋገጠ ሀገር መገንባት ነው -ወ/ሮ ሙፈሪሃት ካሚል

አዲስ አበባ ፣ ጥር 3 ፣2013 (ኤፍ.ቢ.ሲ )የብሔራዊ የበጎ ፈቃድ የማህበረሰብ አገልግሎት ትኩረት ብቁ ወጣት በማፍራት ዘላቂ ሰላሟ የተረጋገጠ ሀገር መገንባት መሆኑን የሰላም ሚኒስትር ወይዘሮ ሙፈሪሃት ካሚል ገለጹ።
የሰላም ሚኒስትር ወይዘሮ ሙፈሪሃት የብሔራዊ የበጎ ፈቃድ የማህበረሰብ አገልግሎት ፕሮግራምን እና የብሔራዊ የምክክር መድረክን አስመልክተው ዛሬ ለጋዜጠኞች መግለጫ ሰጥተዋል።
በወቅቱም ሚኒስቴሩ ካለፉት ሁለት ዓመታት ጀምሮ ለዘላቂ ሰላምና ለብሔራዊ መግባባት ትልቅ ፋይዳ ያላቸውን የብሔራዊ የበጎ ፈቃድ የማህበረሰብ አገልግሎት እና የብሔራዊ የምክከር መድረክ ፕሮግራሞችን ቀርፆ ወደ ተግባር መግባቱን ተናግረዋል፡፡
በመጀመሪያው ዙር የብሔራዊ የበጎ ፈቃድ የማህበረሰብ አገልግሎት ፕሮግራም ስልጠና በ22 ዩኒቨርሲቲዎች 35 ሺህ በጎ ፈቃደኛ ወጣቶች ስልጠና ይሰጣቸዋልም ነው ያሉት።
የብሔራዊ የምክከር መድረክ ህብረተሰባዊና እና ልህቃን ተኮር በማድረግ እስከ ቀበሌ ድረስ ማህበረሰቡን የሚያሳትፍ ነው ያሉት ሚኒስትሯ÷ ዓላማው በመሰረታዊ ሀገራዊ ጉዳዮች ላይ የጋራ መግባባት መፍጠር እንደሆነ አስረድተዋል፡፡
ሌላው በሚኒስቴር መስሪያ ቤቱ ትልቅ ትኩረት ተሰጥቶት ወደ ተግባር የተገባው የብሔራዊ የበጎ ፈቃድ የማህበረሰብ አገልግሎት ፕሮግራም መሆኑን የገለፁት ወይዘሮ ሙፈሪሃት በአሁኑ ሰዓት ከመላው ሃገሪቱ የተውጣጡ 35 ሺህ ወጣቶች በተመረጡ 22 የኒቨርሲቲዎች ለስልጠና እየገቡ ይገኛሉ ብለዋል፡፡
ለስልጠናው የተመረጡት ወጣቶች በራሳቸው ፈቃደኝነት ሲሆን ከዩኒቨርሲቲ የተመረቁ መሆናቸውንም አስረድተዋል፡፡
በጎ ፈቃደኛ ወጣቶች ለ45 ቀናት በስሜት፣ ብስለት እና በአካል ብቃት ላይ ስልጠና ከወሰዱ በኋላ ለ10 ወራት በመላ ሀገሪቱ በመዘዋዋር የበጎ ፈቃድ አግልግሎቶችን ይሰጣሉ ተብሏል፡፡
በጎ ፈቃደኛ ወጣቶች በስልጠናው ወቅት እና ከስልጠናው በኋላም ለበጎ አገልግሎት በሚሰማሩባቸው አካባቢዎች ዕርስ በርስ የመተዋወቅና አዲስ ቤተሰብ የማፍራት ዕድል ይኖራቸዋልም ነው የተባለው፡፡
የብሔራዊ የበጎ ፈቃድ የማህበረሰብ አገልግሎት ፕሮግራም ከየትኛውም የፖለቲካ ጣልቃ ገብነት ነፃ ነው ያሉት ወይዘሮ ሙፈሪሃት÷ የፕሮግራሙ ትኩረት ብቁ ወጣት በማፍራት ዘላቂ ሰላሟ የተረጋገጠ ሀገር መገንባት ነው ማለታቸውን ከሚኒስቴሩ ያገኘኘው መረጃ ያመላክታል።
ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-
የፋና ድረ ገጽ https://www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ
ከዚህ በተጨማሪም በትዊተር ገጻችን https://twitter.com/fanatelevision ይወዳጁን
ዘወትር ከእኛ ጋር ስላሉ እናመሰግናለን!
You might also like

Leave A Reply

Your email address will not be published.