2 ሺህ 525 ተተኳሽ ጥይት ተያዘ

አዲስ አበባ ፣ ጥር 6 ፣ 2013 (ኤፍ.ቢ.ሲ) በህገ ወጥ መንገድ በተሽከርካሪ ተደብቆ ሲጓጓዝ የነበረ 2 ሺህ 525 ተተኳሽ የክላሽ ጥይት መያዙን የፌደራል ጉምሩክ ኮሚሽን ኮምቦልቻ ቅርንጫፍ አስታወቀ።

የቅርንጫፉ የደንበኞች ትምህርትና ስልጠና ቡድን መሪ አቶ አሳምነው አዳነ እንደገለጹት ተተኳሽ ጥይቱ የተያዘው ትናንት ሌሊት በወልዲያ መቆጣጠሪያ ጣቢያ በተደረገ ፍተሻ ነው።

ጥይቱ ከአላማጣ ወደ ባህር ዳር በመጓጓዝ ላይ በነበረ አይሱዚ የጭነት ተሽከረካሪ በሽንኩርት ውስጥ ተደብቆ ሊያልፍ ሲል በፍተሻ መገኘቱን ተናግረዋል።

ከሌሎች የጸጥታ አካላት ጋር በተደረገ ትብብር አሽከርካሪውን ጨምሮ ሦስት ተጠርጣሪዎች መያዛቸውን ኢዜአ ዘግቧል።