Fana: At a Speed of Life!

“አባ ጅፋር ለመፎ” የተሰኘ ሙዚቃዊ ታሪካዊ ተውኔት ለእይታ ቀረበ

አዲስ አበባ ፣ ግንቦት 30፣ 2013 (ኤፍ ቢ ሲ) “አባ ጅፋር ለመፎ” የተሰኘ ሙዚቃዊ ታሪካዊ ተውኔት በጅማ ዩኒቨርሲቲ ለእይታ ቀርቧል፡፡
ተውኔቱ በጅማ ዩኒቨርሲቲ አምፊ ቲያትር በ3ኛ ዓመት የትያትር ጥበባት ተማሪዎች አማካይነት የተተወነ ነው፡፡
በአባ ጅፋር ለመፎ ታሪካዊ ሙዚቃዊ ተውኔት የንጉስ አባ ጅፋር ሁለተኛ ያልተነገሩ መልካም ታሪኮችና የጅማ ባህላዊ እሴቶች ቀርበውበታል፡፡
ተውኔቱ በሁለት ቋንቋ ተሰባጥሮ የቀረበ ሲሆን የ1ሰዓት ከ30 ደቂቃ ርዝማኔ አለው፡፡
ለእይታ ለማብቃትም አንድ ዓመት ከሶስት ወር ፈጅቷል፤ 48 መምህራንና ተማሪዎች ተሳትፈዋል ተብሏል፡፡
የተውኔቱ ደራሲና አዘጋጅ መምህር ዘለዓለም ተፈሪ ንጉስ አባ ጅፋር በንግስና ዘመናቸው የተለያዩ ግጭቶች በሚከሰቱበት ወቅት በመነጋገርና ዲፕሎማሲ መፍታታቸውን በጉልህ ለማሳየት ታልሞ የተሰራ ተውኔት ነው ብለዋል፡፡
በዝግጅቱ የተገኙት የጅማ ዩኒቨርሲቲ ፕሬዚዳንት ዶክተር ጀማል አባ ፊጣ ያለንን ታሪክ ተጠቅመን እርስበርስ ለመቀራረብና ለአንድነታችን ኪነ- ጥበብ ያለውን ፋይዳ ያመለከተ ተውኔት መሆኑን ገልፀው በቀጣይ ከዩኒቨርሲቲው አልፎ በሀገር አቀፍ ደረጃ ለእይታ እንዲበቃ እንሰራል ብለዋል፡፡
በወርቃፈራው ያለው
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.