የአዌቱ የወንዝ ዳርቻ ልማት ፕሮጀክት የፊዚካል ስራው ተጠናቆ የማስዋብ ስራው እየተፋጠነ ነው

የፕሮጀክቱ ግንባታ በታህሳስ 2013 ዐ.ም የተጀመረ ሲሆን በአንድ አመት ውስጥ ነበር ለማጠናቀቅ የታቀደው።

ነገር ግን ግንባታውን በማፋጠን በአምስት ወራት ውስጥ የፊዚካል ስራው ተጠናቆ የማስዋብ ስራው መጀመሩን የጅማ ከተማ ማዘጋጃ ቤት ሀላፊ ኢንጅነር ከድር ሀሰን ለፋና ብሮድካስቲንግ ኮርፖሬት ተናግረዋል።

የአዌቱ የወንዝ ዳርቻ ልማት ፕሮጀክት በአንጠቃላይ 1 ኪ.ሜ እርዝማኔ ያለው መሆኑን የጠቆሙት ሀላፊው ከስታዲየም አንስቶ እስከ በቾ ድልድይና ከበቾ ድልድይ እስከ ቢሺሼ ድልድይ የማስዋብ ስራ ተጠናቆ ቅዳሜ ሰኔ 5፣ 2013 ዓ.ም ይመረቃል ተብሏል።

የአዌቱ ወንዝ ከዚህን ቀደም ሞልቶ የአካባቢው ማህበረሰብ ላይ ጉዳት እያደረሰ የነበረ ሲሆን አሁን ላይ ፕሮጀክቱ ይህን ችግር ከመቅረፍ ባለፈ ለከተማዋ ውበት እንደሚሆንና ለወጣቶችም የስራ እንደሚፈጥር ሀላፊው ገልፀዋል።

በሙክታር ጣሃ