በካፋ ዞን ለሚካሄደው ምርጫ ቁሳቁስ ደርሷል

አዲስ አበባ፣ ሰኔ 12፣ 2013 (ኤፍ ቢ ሲ) በካፋ ዞን የፊታችን ሰኞ ለሚካሄደው ምርጫ ቁሳቁስ መግባቱን የዞኑ የምርጫ ማስተባበሪያ ጽ/ቤት ገለፀ።

በዞኑ 8 የምርጫ ክልሎች 590 የምርጫ ጣቢያዎች እንዲሁም 13 ንዑስ የምርጫ ጣቢያዎች እንዳሉ የገለፁት የዞኑ ምርጫ ማስተባበሪያ ጽ/ቤት ኃላፊ አቶ አህመድ አባተማም፣ 7 የፖለቲካ ፓርቲዎች 112 እጩዎችን ለህዝብ ተወካዮች ምክር ቤት እና ለክልል ምክር ቤት ማቅረባቸውን ተናግረዋል።

የምርጫ ቁሳቁስ ወደ ምርጫ ጣቢያዎች እየተሰራጨ መሆኑን አስተባባሪው ገልፀዋል።

በካፋ ዞን ካሉት 8 የምርጫ ክልሎች በ 7ቱ ምርጫ የፊታችን ሰኔ 14 እንደሚካሄድ ያስታወቁት አስተባባሪው በ1 የምርጫ ክልል ምርጫ የሚደረገዉ ጳጉሜ 1 ነው ብለዋል።

በካፋ ዞን ድምፅ ለመስጠት 524 ሺ 686 ሰዎች መመዝገባቸውን ያስታውሱት አስተባባሪው የፊታችን ሰኞ በ 7 የምርጫ ክልሎች ከ400 ሺ በላይ ዜጎች ድምፅ ይሰጣሉ ተብሎ እንደሚጠበቅ ተናግረዋል።

በፍሬህይወት ሰፊው እና አለማየሁ መቃሳ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!