Fana: At a Speed of Life!

እስከ ግንቦት ወር 25 ሺህ 472 ዜጎች ወደ ሃገራቸው ተመልሰዋል-ወ/ሮ ሙፈሪሃት ካሚል

አዲስ አበባ፣ ሰኔ 21፣ 2013 (ኤፍ ቢ ሲ) እስከ ግንቦት ወር 25 ሺህ 472 ዜጎች ከስምንት ሃገራት ወደ ኢትዮጵያ መመለሳቸውን የሰላም ሚኒስትር ወይዘሮ ሙፈሪሃት ካሚል ገለፁ፡፡
ሚኒስትሯ ባለፉት ወራት ወደ ሃገር ውስጥ ተመላሽ የሆኑ ዜጎችን ጉዳይ በሰላም ሚኒስቴር አስተባባሪነት በዋናነት ከውጭ ጉዳይ ሚኒሰቴር፣ ለሰላም ሚኒሰቴር ተጠሪ ከሆኑ ተቋማት ፣ከሰራተኛና ማህበራዊ ጉዳይ ሚኒስቴር እንዲሁም ከሌሎች መንግሰታዊ ካልሆኑ ድርጅቶች ጋር በመቀናጀት ሲሰራ መቆየቱን ተናግረዋል፡፡
እስከ ግንቦት 13 ቀን 2013 ዓም ከስምንት ሀገራት ተመላሽ የሆኑ 25 ሺህ 472 ዜጎችን ተቀብሎ በማስተናገድ በቆይታ ወቅትና ወደ መኖሪያ ስፍራዎች ሲጓጓዙ አስፈላጊውን ወጪ በመሸፈን ከቤተሰብ ጋር ማቀላቀል ተችሏል ነው ያሉት።
ከትናንት ምሽት ጀምሮም 3 ሺህ 691 ዜጎች ከሳዑዲ አረቢያ መመለሳቸውን የገለፁት ሚኒስትሯ ይህም ተጠናክሮ እንደሚቀጥል በማህበራዊ ትስስር ገፃቸው አስፍረዋል፡፡
በቅርቡም በሳውዲ የሚገኙ ዜጎችን ሁኔታ ላይ ምላሽ ለመስጠት ወደ ሳውድ አረቢያ የተጓዘው የልዑካን ቡድን በሳውድ አረቢያ የኢትዮጵያ ኤንባሲ ጋር በጋራ በተሰራው ስራ ዜጎችን በየዕለቱ የማጓጓዝ፣ በተዘጋጀላቸው ጊዜያዊ መጠለያ ማሳረፍ፣የምግብና አልባሳት አቅርቦት፣ ሂደቱን ያጠናቀቁትን የትራንስፖርት ወጪያቸውን ሸፍኖ ወደ ቤተሰብ የመሸኘት ተግባራት በመከናወን ላይ እንደሚገኝ ወይዘሮ ሙፈሪሃት ገልፀዋል።
በአንዳንድ አካባቢዎች የመልሶ ማቋቋም ተግባራት በየደረጃው በሚገኙ አሰተዳደር አካላት አማካኝነት በመከናወን ላይ የሚገኝ ሲሆን በቀጣይም ተጠናክሮ የሚቀጥል ይሆናል ብለዋል።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.