የማብሰያ ጊዜን የሚቀንስ ማብሰያ “ስቶቭ” እየተመረተ ነው

ድርጅቱ ከቡና አተላና ገለባ፣ ከጫት ገረባ፣ ሳጋቱራና ከመሳሰሉት የቆሻሻ ውጋጆች ሃይል መስራት የሚያስችል እና ይህንን የሚጠቀም ስቶቭ ነው እያመረተ የሚገኘው።

ማብሰያዎቹ ከአካባቢ ጋር የሚስማሙና ፍጆታን የሚቀንሱ ናቸው የተባለ ሲሆን÷ ድርጅቱ በቀን እስከ 200 የሚደርስ “ቋይቶን” የሚል መጠሪያ የተሰጠውን ስቶቭ የማምረት አቅም ላይ መድረሱ ተነግሯል፡፡

ድርጅቱ የስቶቭን ንድፍ ፣ እቃውን መፈብረክና ለስቶቩ የሚሆን ተቀጣጣይ በአንድ ላይ በማምረት ከሰሃራ በታች ባሉ ሀገራት ውስጥ ብቸኛ መሆኑ ተገልጿል፡፡

ተቀጣጣዩ ለማብሰያነት ካገለገለ በኋላ ወደ ከሰልነት የሚቀየር ሲሆን ድርጅቱ ይህንን ከሰል ከደንበኛው ድጋሚ በመግዛት ስራ ላይ ያውለዋል ነው የተባለው።

የኢኖቬሽንና ቴክኖሎጂ ሚኒስትር ዴኤታ አህመዲን መሐመድ ተቋማቸው ጀማሪ የቴክኖሎጂ ድርጅቶችን የሚያደግፍበት “የጀማሪ ቴክኖሎጂ ድርጅቶች አዋጅ አዘጋጅቶ መፀደቁን እየተጠባበቀ መሆኑንና ይህ አዋጅ እንዲህ ያሉ ችግሮችን እንደሚፈታ መናገራቸውን ከኢኖቬሽንና ቴክኖሎጂ ሚኒስቴር ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!