የአማራ ክልል የጸጥታ ሃይል ከመከላከል ወደ ማጥቃት እንዲሸጋገር መመሪያ ተላለፈ

የአማራ ክልል መንግስት ኮሙዩኒኬሽን ጉዳዮች ጽህፈት ቤት ዋና ዳይሬክተር አቶ ግዛቸው ሙሉነህ ወቅታዊ ጉዳዮችን አስመልክተው በዛሬው ዕለት መግለጫ ሰጥተዋል።

በመግለጫቸውም የአማራ ክልል በህወሃት አሸባሪ ቡድን በዋግ ግንባር አበር ገሌ እና ፀጋብቲ፣ በራያ ግንባር በኮረም፣ አላማጣ እና ባላ፣ በወልቃይት ግንባር በማይፀብሪ እና በጠገዴ ለተከፈተበት ይፋዊ ጦርነት ራሱን ከመከላከል ወጥቶ ወደ ማጥቃት እንደዲሸጋገር መወሰኑን አስታውቀዋል።

ክልሉ በሦስቱ ግንባሮች የተከፈተበት ጦርነት ዓለም አቀፋዊ የጦርነት ህጎችን በሚፃረር መልኩ ህፃናት፣ አረጋውያንን፣ የኃይማኖት አባቶች እና ሴቶችን ከፊት በማሰለፍ ንፁኃንን በመተንኮስ እና በመግደል የታጀበ ይፋዊ ጦርነት እንደሆነ መግለጻቸውን ኢቢሲ ዘግቧል፡፡

እስካሁን ድረስ ክልሉ ወራሪውን ኃይል ለመከላከል እና ለመመከት ብቻ ሲጥር እንደቆየ በመግለፅ፣ ከዚህ በኋላ ግን የክልሉ ልዩ ኃይል እና አጠቃላይ የፀጥታ አካላት ወደ ማጥቃት እንዲሸጋገሩ ትእዛዝ መሰጠቱን ነው ዋና ዳይሬክተሩ የገለፁት።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!