ለሴካፋ ውድድር የእንኳን ደህና መጣችሁና የእራት ግብዣ መርሃ ግብር ተካሄደ

በመርሃ ግብሩ ላይ ኢትዮጵያ የእግርኳስ የፌዴሬሽን ፕሬዝዳንት አቶ ኢሳያስ ጂራ፣ የውጪ ጉዳይ ሚኒስቴር ቃል አቀባይ አምባሳደር ዲና ሙፍቲ፣ የባህር ዳር ከተማ ከንቲባ ዶክተር ድረስ ሳህሉ፣ አምባሳደር መስፍን ቸርነት፣ የሴካፋ ውድድር ብሔራዊ አዘጋጅ ኮሚቴ ሰብሳቢ አቶ አበበ ገላጋይ እንዲሁም ጥሪ የተደረገላቸው እንግዶች ተገኝተዋል።

ፕሬዝዳንት ኢሳያስ በመድረኩ ኢትዮጵያ በአፍሪካ የእግርኳስ መድረክ ላይ ያላትን ተፅእኖ አውስተው ተጋባዥ ሀገራት በባህር ዳር ከተማ በሚቆዩበት ጊዜ ጥሩ ቆይታ እንደሚኖራቸው ገልፀው ኢትዮጵያ በእግርኳሱ ብቻ ሳይሆን በሌላም መንገድ ከሌሎች ሀገራት የተለየ ባህል፣ ታሪክ እና ወግ ያላት እንዲሁም በእንግዳ ተቀባይነቷ የተመሰገነች መሆኗን አውስተዋል፡፡

በመጨረሻም ለውድድሩ ተሳታፊ ሀገራት የማስታወሻ ስጦታ መበርከቱን ከኢትዮጵያ እግር ኳሽ ፌደሬሽን ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!