Fana: At a Speed of Life!

አምባሳደር ደሚቱ ሀምቢሳ ከጣሊያን ሪፐብሊክ ፓርላማ የደህንነት ኮሚቴ ፕሬዚደንት ጋር ተወያዩ

አዲስ አበባ፣ ሃምሌ 27፣ 2013(ኤፍ ቢ ሲ) በጣልያን የኢትዮጵያ አምባሳደር ደሚቱ ሀምቢሳ ከጣሊያን ሪፐብሊክ ፓርላማ የደህንነት ኮሚቴ ፕሬዚደንት አዶልፎ ኡርሶ ጋር ተወያይተዋል፡፡

አምባሳደር ደሚቱ በጣሊያን ሪፐብሊክ ፓርላማ የደህንነት ኮሚቴ ፕሬዚዳንት ጋር በኢትዮጵያ ወቅታዊ ሁኔታ በተለይም በሰሜኑ ክፍል ስላለው ወቅታዊ ሁኔታ፣ ስለ አፍሪካ ቀንድ እንዲሁም ከህዳሴ ግድብ ጋር በተያያዘ ተወያይተዋል።

አምባሳደሯ በትግራይ ክልል የሰብአዊ እርዳታ ተደራሽ እንዲሆን በመንግስት በኩል እየተከናወኑ ስላሉ ተግባራት አብራርተዋል።

የህወሃት አጥፊ ቡድን በክልሉ ሰላም እንዳይሰፍንና እርዳታ እንዳይደርስ በትህነግ ጁንታ በኩል ያሉ አፍራሽ እንቅስቃሴዎችን፣ በአማራና አፋር ክልሎች እያደረሰ ያለውን ትንኮሳ እና ጉዳት፣ ከአለም አቀፍ ሰብዓዊ መብቶች ጋር በሚፃረር ሁኔታ ህፃናትን ለውትድርና መመልመልና ማሰማራት የመሳሰሉትን ተግባራት በማስረዳት የአለም አቀፉ ማህበረሰብ ይህንን ተግባር እንዲያወግዝ አምባሳደሯ ጥሪ አቅርበዋል።

አዶልፎ ኡርሶ በበኩላቸው÷ በትግራይ ክልል ያለውን እውነታ እንዲረዱት ስለተደረገላቸው ገለፃ አመስግነው የሚፈለገውን ድጋፍ እንደሚያደርጉ ገልፀዋል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.