Fana: At a Speed of Life!

በአዲስ ከተማ ክፍለ ከተማ የሚገኙ ህብረት ስራ ማህበራት ከግማሽ ሚሊየን ብር በላይ ለመከላከያ ሰራዊት ድጋፍ አደረጉ

አዲስ አበባ፣ ሃምሌ 27፣ 2013(ኤፍ ቢ ሲ) በአዲስ ከተማ ክፍለ ከተማ የሚገኙ 10 የህብረት ስራ ማህበራት ከግማሽ ሚሊየን ብር በላይ ለመከላከያ ሰራዊት ድጋፍ ማድረጋቸው ተገለፀ፡፡
በመጀመሪያ ዙር 300 ሺህ ብር ድጋፍ መደረጉ የተገለፀ ሲሆን ዛሬ 601 ሺህ ብር ድጋፍ ተደርጓል፡፡
በርክክብ ስነስርዓቱ ላይ የክፍለ ከተማው ህብረት ስራ ጽህፈት ቤት ሃላፊ አቶ ጀማል መሃመድ በአዲስ አበባ ክፍለ ከተማ የህብረት ስራ ማህበራት አባላት አሸባሪው ቡድን ለማስወገድ እየተፋለመ ላለው ለሀገር መከላከያ ሰራዊት በሞራል፣ በቁሳቁስና በገንዘብ ለመደገፍ የተደረገ ድጋፍ መሆኑን ገልፀዋል፡፡
የአዲስ ከተማ ክፍለ ከተማ ብልፅግና ፓርቲ ሃላፊ አቶ አሰፋ ቶላ ሁሉም ነገር የሚሆነዉ ሀገር ሲኖር ነዉ በሚል መሪ ቃል የክፍለ ከተማዉ ህብረት ስራ ማህበራቱ ለሀገር መከላከያ ሰራዊት ያደረጉት ድጋፍ በጀግኖች የተገነባች ሀገር እንዳማትፈርስ ለማሳየት ነዉ ማለታቸውን ከአዲስ ከተማ ክፍለ ከተማ ኮሙዩኒኬሽን ያገኘነው መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.