Fana: At a Speed of Life!

በተባበሩት ዓረብ ኢሚሬቶች ለመከላከያ ሰራዊት ከ7 ነጥብ 3 ሚለየን ብር በላይ ድጋፍ ተሰበሰበ

አዲስ አበባ፣ ሃምሌ 27፣ 2013 (ኤፍ ቢ ሲ) በዱባይና ሰሜን ኤምሬቶች ከኢትዮጵያውያን ኮሚኒቲ ማህበር የአመራር ቦርድ አባላትና ዲፕሎማቶች ጋር በተደረገ ውይይት ለመከላከያ ሰራዊት ከ7 ነጥብ 3 ሚለየን ብር በላይ ድጋፍ ተሰበሰበ፡፡
 
በውይይቱ አምባሳደር ሱሌይማን ደደፎና በዱባይና ሰሜን ኤምሬትስ የኢፌዴሪ ቆንስላ ቆንስል ጄኔራል አምባሳደር እየሩሳሌም አምደማሪያም፣ የዱባይና ሰሜን ኤምሬቶች የኢትዮጵያውያን ኮሚኒቲ ማህበር የአመራር ቦርድ አባላትና ዲፕሎማቶች ተገኝተዋል፡፡
በዱባይና ሰሜን ኤምሬቶች ቆንስላ ጄነራል ጽህፈት ቤት በተካሄደው ውይይት የኢትዮጵያን ሉዓላዊነትና የህዝቦቿን ህልውና ለማስከበር ሁሉም ሀገር ወዳድ ኢትዮጵያውያንና ትውልደ ኢትዮጵያውያን ርብርብ ማድረግ እንዳለባቸው ተገልጿል።
 
አምባሳደሮቹ ለመከላከያ ሰራዊት እየተደረገ ያለው ሁሉን አቀፍ ድጋፍ ተጠናክሮ መቀጠል እንዳለበት ነው የተናገሩት፡፡
 
ለዚህም ዲፕሎማቶች፣ በአቡዳቢ እንዲሁም በዱባይና ሰሜን ኤምሬቶች የኢትዮጵያውያን ኮሚኒቲ ማኅበራት የአመራር ቦርድ አባላት ሌሎች የዳያስፖራ ማህበራትንና ሀገር ወዳድ የዳያስፖራ አባላትን በማስተባበር ግንባር ቀደም ሚና መጫዎት ይገባል ነው የተባለው፡፡
 
በዚህ መሰረትም የዱባይና ሰሜን ኤምሬቶች የኢትዮጵያውያን ኮሚኒቲ ማኅበር የአመራር ቦርድ አባላት ለመከላከያ ሠራዊት ድጋፍ በማህበሩ ስም 500 ሺህ ድርሃም ለመለገስ ቃል ገብተዋል፡።
 
በአቡዳቢ የኢፌዴሪ ኤምባሲና በዱባይ የኢፌዴሪ ቆንስላ ጄኔራል ፅህፈት ቤት የሚገኙ ዲፕሎማቶች በነፍስ ወከፍ ከ1ሺህ እስከ 2 ሺህ ዶላር በማዋጣት በጠቅላላው አንድ ሚሊየን 300 ሺህ ብር መለገሳቸው ተመላክቷል፡፡
 
ሎካል ሠራተኞችም እንደየገቢያቸው ሁኔታ የሚጠበቅባቸውን ድጋፍ በማድረግ ላይ እንደሚገኙ ከዳያስፖራ ኤጀንሲ ያገኘነው መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.