Fana: At a Speed of Life!

የአዲስ አበባ ከተማ አስተዳደር በስራ አፈጻጸም እና መሪ እቅድ ላይ እየተወያየ ነው

አዲስ አበባ፣ ሃምሌ 28፣ 2013(ኤፍ ቢ ሲ) የአዲስ አበባ ከተማ አስተዳደር ከፍተኛ አመራሮች የ2013 በጀት ዓመት የስራ አፈጻጸም እና የ2014 መሪ እቅድ ላይ ውይይት እያካሄዱ ይገኛሉ።

በአዳማ እየተካሄደ ባለው ውይይት ምክትል ከንቲባ ወይዘሮ አዳነች አቤቤ፣ በምክትል ከንቲባ ማዕረግ የዴሞክራሲ ስርዓት ግንባታ ማዕከል አስተባባሪ አቶ መለሰ አለሙ ፣ የሴክተር ተቋማት፣ የሁሉም ክፍለ ከተሞች እና የወረዳ ከፍተኛ አመራሮች ተገኝተዋል።

የከተማ አስተዳደሩ ከፍተኛ አመራሮች በ2013 በጀት ዓመት የተገኙ ውጤቶችን እና የታዩ ጉድለቶች ይገመግማሉ ያሉት ምክትል ከንቲባ ወይዘሮ አዳነች አቤቤ÷ ሀገራዊ ወቅታዊ ሁኔታዎች ላይ አመራሩ ግንዛቤ እንዲይዝና ኃላፊነቱን በብቃት መወጣት ይኖርበታል ማለታቸውን ከከተማው ፕሬስ ሴክሬታሪ ያገኘነው መረጃ ያመለክታል።

በ2014 በጀት ዓመትም በማህበራዊ፣ ኢኮኖሚያዊ እና ሁለንተናዊ የልማት ስራዎችን ተቋማዊ አሰራርን መሠረት ባደረገ መልኩ በማጠናከር እና በህብረተሰቡ በኩል የሚነሱ የአገልግሎት አሰጣጥ እና የመልካም አስተዳደር ጥያቄዎችን ለመፍታት ልዩ ትኩረት እንደሚሰጠው ምክትል ከንቲባዋ ጠቁመዋል ።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.