Fana: At a Speed of Life!

በኢትዮጵያ ኤሌክትሪክ ኃይል የካይዘን ትግበራ የመግባቢያ ሰነድ ተፈረመ

አዲስ አበባ ፣ ሐምሌ 29 ፣ 2013 (ኤፍ ቢ ሲ)የኢትዮጵያ ኤሌክትሪክ ኃይል ከኢትዮጵያ ካይዘን ኢንስቲትዩት ጋር የካይዘን ትግበራ የመግባቢያ ሰነድ ተፈራረመ፡፡
የመግባቢያ ሰነዱን የኢትዮጵያ ኤሌክትሪክ ኃይል ዋና ሥራ አስፈጻሚ አቶ አሸብር ባልቻ እና የኢትዮጵያ ካይዘን ኢንስቲትዩት ዋና ዳይሬክተር ተወካይ አቶ አስናቀ ጉዲሳ ተፈራርመዋል፡፡
አቶ አሸብር ባልቻ ተቋሙ ከ381 ቢሊየን ብር በላይ የሚገመት አጠቃላይ ሀብት እንዳለው ገልፀው ይህን ሀብት በአግባቡ ለመጠበቅ እና ለመጠቀም የካይዘን ትግበራ ከፍተኛ እገዛ እንደሚያደርግ ገልፀዋል፡፡
የኢትዮጵያ ኤሌክትሪክ ኃይል የሰው ኃይል ሥራ አስፈጻሚ አቶ አታላይ አበበ በበኩላቸው ÷ተቋሙ ባደረገው የዳሰሳ ጥናትና በተወሰኑ ቦታዎች በተካሄደው የካይዘን ትግበራ ድርጅቱን ወጪ ቆጣቢ በማድረግ ውጤታማና አበረታች ውጤት መገኘቱን ተናግረዋል፡፡
በቀጣይም ተቋሙ ባሉት 189 ማከፋፈያ ጠቢያዎች እና በ22 ኃይል ማመንጫ ጣቢያዎች ላይ የካይዘን ፍልስፍና ትግበራን ለማስፋፋት እና ለመተግበር ትኩረት ሰጥቶ እንደሚሰራ አቶ አታላይ መጠቆማቸውን ከኢትዮጵያ ኤሌክትሪክ ኃይል ያገኘነው መረጃ ያመላክታል፡፡
የኢትዮጵያ ካይዘን ኢንስቲቱት የዋና ዳይሬክተር ተወካይ አቶ አስናቀ ጉዲሳ ኢንስቲትዩቱ የተቋሙን ሠራተኞች በማሰልጠን እና ትግበራው ላይ በመገኘት የማመከር እና ድጋፍ በመስጠት ትግበራው ዘላቂነት እንዲኖረው ክትትል እና ድጋፍ ያደርጋል ብለዋል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.