Fana: At a Speed of Life!

የኢትዮጵያ ሀይልና የሶማሊያ መከላከያ ሰራዊት በጋራ በወሰዱት እርምጃ የአልሸባብ ቡደን ተደመሰሰ

አዲስ አበባ ፣ ሐምሌ 30 ፣ 2013 (ኤፍ ቢ ሲ) በደቡብ ምዕራብ ሶማልያ ዋጅድ እና አካባቢው ላይ ድጋፍ በመስጠት ላይ የሚገኘው የኢትዮጵያ ሀይልና የሶማሊያ መከላከያ ሰራዊት በጥምር በወሰዱት እርምጃ የአልሸባብ ቡድን መደምሰሱ ተገለፀ፡፡
በደቡብ ምዕራብ ሶማልያ ለሴክተር ሶስት ድጋፍ እየሰጠ የሚገኘው ሶስተኛ ብርጌድ ሁለተኛ ሻለቃ አዛዥ ሌለናል ኮሎኔል አለም መብራቱ እንዳስታወቁት በአካባቢው ከ180 በላይ የአልሸባብ ተዋጊ ሃይል እንደሚንቀሳቀስ መረጃ መገኘቱን ተከትሎ የጥምር ሃይሉ በወሰደው የሃይል ርምጃ ፣ ከሽባሪው የአልሸባብ ተዋጊዎች መካከል 18ቱ መገደላቸውን እና 11ዱ መቁሰላቸው ተገልጿል፡፡
እንዲሁም ጠላት የሚጠቅምበትን ተሽከርካሪ በማውደምና የነፍስ ወከፍ ትጥቅ በመማረክ ድል መቀዳጀቱን ከመከላከያ ሰራዊት ያገኘነው መረጃ ያመላክታል፡፡
ቀሪው የጠላት ሃይል በመበተን በየጎሳው መሰግሰጉን የገለፁት አዛዡ ፣ በቀጣይም ሰራዊቱ የኢትዮጵያን እና የቀጣናውን ሰላም አሰተማማኝ ለማድረግ በሚደረገው ተልዕኮ በጠንካራ ቁመና ላይ እንደሚገኝ አረጋግጠዋል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.