Fana: At a Speed of Life!

የኪነ ጥበብ ባለሙያዎች ለመከላከያ ሰራዊት አጋርነታቸውን የሚያሳዩበት መድረክ በብሄራዊ ቴአትር እየተካሄደ ነው

አዲስ አበባ ፣ ሃምሌ 30 ፣ 2013 (ኤፍ ቢ ሲ) የኢትዮጵያ ኪነ ጥበብ ባለሙያዎች ከመከላከያ ሰራዊት ጎን መቆማቸውን ለመግለፅ የተዘጋጀ መርሃ ግብር በብሄራዊ ቴአትር እየተካሄደ ነው።
በመርሃ ግበሩ የተለያዩ የመንግስት የሥራ ሃላፊዎች እና የኪነ ጥበብ ባለሙያዎች ተግኝተዋል፡፡
በመድረኩ አንድነትና አብሮነትን የሚሰብኩ የተለያዩ የኪነ ጥበብ ስራዎች እየቀረቡ ነው።
የኪነ ጥበብ ባለሙያዎች አሸባሪው የህወሓት ቡድን የጀመረውን ሀገር የማፍረስ ተግባር ለመመከት ከመከላከያ ሰራዊት ጎን እንደሚቆሙ አረጋግጠዋል።

በመድረኩ ንግግር ያደረጉት ረዳት ፕሮፌሰር ነብዩ ባዩ ኢትዮጵያዊነት ይሞታል ሲሉት የማይሞት፣ ይደቃል ሲሉት የማይከስም አበቃለት ሲሉት የሚለመልም ነው ብለዋል።

ለኢትዮጵያ ፈተና እድል ነው ያሉት ረዳት ፕሮፌሰሩ ፈተናዎች ሀገራዊ አንድነትን ይጨምራሉ፣ ይሰበስባሉም ያሉ ሲሆን አድዋን በማሳያነት አንስተዋል።

ከፀጋዬ ገብረመድህን እስከ ገብረክርስቶስ ደስታ፣ ከጥላሁን ገሰሰ እስከ መሀሙድ አህመድ ስለኢትዮጵያ ዘመን ተሻጋሪ ስራዎችን መስራታቸውን አንስተው ይሄኛው ትውልድም በጥበብ ስራ ታሪክ እንደሚፅፍ ገልፀዋል።

አሸባሪው ህወሃት የጫረውን እሳት ተከትሎ የጥበብ ባለሙያዎች በግንባር እንደሚገኙ አውስተው በተሰማራንበት መስክ ሁሉ ለሀገር አንድነት መስራት ያስፈልጋል ብለዋል።

በአፈወርቅ እያዩ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.