Fana: At a Speed of Life!

የአካል ጉዳተኞችን መብትና ጥቅም ለማስከበር በእውቀት የተደገፈ የአካታችነት ስራ መስራት እንደሚገባ ተጠቆመ

አዲስ አበባ ፣ ሐምሌ 30 ፣ 2013 (ኤፍ ቢ ሲ) የአካል ጉዳተኞችን አሳማኝና ብቁ የሆነ የፖሊሲ፣ የልማት ዕቅድና ስትራቴጅ፣ የህግ ማዕቀፎችና አሰራሮች አካታችነት ላይ ያተኮረ የህግ ባለሙያዎች መድረክ ዛሬ በአዳማ ከተማ ተጀምሯል።

የፌዴራል ጠቅላይ አቃቢ ህግ ምክትል ጠቅላይ አቃቢ ህግ ፍቃዱ ፀጋ በወቅቱ እንደተናገሩት፤ ያለ አካል ጉዳተኞች ንቁ ተሳትፎና አካታችነት የሀገር ልማትና እድገት አይረጋገጥም።

ስለ አካል ጉዳተኞች መስራት የችሮታ ሳይሆን የመብት ጉዳይ መሆኑን ሁላችንም ተገንዝበን አካታች የህግ ማዕቀፎችና አሰራሮች እንዲዘረጉ ማድረግ አለብን ብለዋል።

የአካል ጉዳተኞችን መብትና ጥቅም ለማስከበር በእውቀት የተደገፈ የአካታችነት ስራ መስራት ይኖርበናል ያሉት አቶ ፍቃዱ፤ 110 ሚሊዮን ህዝብ ባላት ሀገር ውስጥ የአካል ጉዳተኞች ምን ያህል እንደሆኑ ማሰብ እንደሚገባም ተናግረዋል።

የሲቪል ማህበራት ድርጅቶች ኤጄንሲ ዋና ዳይሬክተር አቶ ጅማ ድልቦ በበኩላቸው፤ በአሁኑ ወቅት የመንግስት ተቋማት፣ ዩኒቨርሲቲዎች፣ ሆቴሎችና ሌሎችም ድርጅቶች ለአካል ጉዳተኞች ምቹ እንዳልሆኑ ኢዜአ ዘግቧል፡፡

አካል ጉዳተኞች ምቹ የስራ ምህዳር እንዲያገኙ የህግ ባለሙያዎች በቂ ግንዛቤና እውቀት ልኖራቸው እንደሚገባም አመልክተዋል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡-https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.