Fana: At a Speed of Life!

በ2ኛው የታላቁ ህዳሴ ግድብ የውሃ ሙሌት ዙሪያ በድሬዳዋ ከተማ የፓናል ውይይት እየተካሄደ ነው

አዲስ አበባ ፣ ነሐሴ 1 ፣ 2013 (ኤፍ ቢ ሲ) የሁለተኛው የታላቁ የኢትዮጵያ ህዳሴ ግድብ የውሃ ሙሌትን በማስመልከት በድሬዳዋ ከተማ የፓናል ውይይት እየተካሄደ ነው፡፡
የፓናል ውይይቱ “የታላቁ የኢትዮጵያ ህዳሴ ግድብ አካባቢያዊ፣ ማህበራዊ፣ ኢኮኖሚያዊ እና ጂኦፖለቲካዊ ተፅዕኖዎች” በሚል መሪ ቃል ነው እየተካሄደ የሚገኘው።
በፓናል ውይይቱ ላይ የኢትዮጵያ የውሃ ሃብት ልማትና ተግዳሮቶቹ እና የናይል ወንዝ የውሃ አጠቃቀምና ዲፕሎማሲ እንዲሁም የኢትዮጵያ ህጋዊ ተጠቃሚነት እንዲሁም በሌሎች ርዕሶች የመወያያ ጽሑፎች ይቀርባሉ።
በውይይቱ ላይ የታላቁ የኢትዮጵያ ህዳሴ ግድብ ህዝባዊ ተሳትፎ ማስተባበሪያ ምክር ቤት ዳይሬክተር ዶክተር አረጋዊ በርሄን ጨምሮ በግድቡ ዙሪያ በሚደረጉ ድርድሮች ኢትዮጵያን ወክለው እየተደራደሩ የሚገኙ ምሁራን ተገኝተዋል፡፡
የፓናል ውይይቱን በድሬዳዋ ዩኒቨርሲቲ የምርምርና ማህበረሰብ አገልግሎት ምክትል ፕሬዚዳንት ነው ያዘጋጀው፡፡
በተሾመ ኃይሉ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.