Fana: At a Speed of Life!

ዕድሜያቸው ለትምህርት የደረሱ ህፃናትን ወደ ትምህርት ገበታ ለማምጣት የህብረተሰቡ ተሳትፎ ወሳኝ መሆኑ ተገለፀ

አዲስ አበባ ፣ ነሐሴ 1 ፣ 2013 (ኤፍ ቢ ሲ) በ2014 ዓ.ም የትምህርት ዘመን ከትምህርት ገበታ ውጪ የሆኑ ህፃናትን እና በተለያየ ምክንያት ትምህርታቸውን ያቋረጡ ተማሪዎችን ወደ ትምህርት ቤት ለመመለስ ከፍተኛ ስራ እንደሚሰራ ትምህርት ሚኒስቴር ገለጸ።

የትምህርት ሚኒስቴር የሴቶች ህፃናት ወጣቶች ዳይሬክቶሬት የ2013 ዓ.ም የእቅድ አፈፃጸም ግምገማ እና የ2014 በጀት ዓመት እቅድ ላይ ከክልልና ከተማ አስተዳደር ትምህርት ቢሮዎች የተውጣጡ ባለድርሻ አካላት ጋር ውይይት እያከሄደ ነው፡፡

በመድረኩ የትምህርት ሚኒስቴር በመጪው የትምህርት ዘመን እድሜያቸው ለትምህርት የደረሱ እና ከትምህርት ገበታ ውጪ የሆኑ ህፃናትን ወደ ትምህርት ቤት ለማምጣት የህብረተሰቡ ተሳትፎ ወሳኝ መሆኑን ተገልጿል።

በዚህ ዘመቻም የባለድርሻ አካላት፣ የሃይማኖት አባቶች፣ የአገር ሹማግሌዎችና የሚዲያ እንዲሁም የህብረተሰብ ተሳትፎ የማይተካ ሚና እንዳለው ነው የተነሳው፡፡

የሚኒስቴሩ የሴቶች ህፃናትና ወጣቶች ዳይሬክተር ወይዘሮ የሺሃረግ ነጋሽ በሚቀጥለው አመት ከትምህርት ገበታ ውጪ የሆኑ ህፃናትን እና በተለያዩ ምክኒያት ትምህርታቸውን ያቋረጡ ተማሪዎችን ወደ ትምህርት ቤት ለመመለስ ከፍተኛ ስራ እንደሚሰራ ተናግረዋል።

የሴቶች የትምህርት ተሳትፎ እና ምጥጥን ላይ በተያዘው በጀት ዓመት አመርቂ ውጤት ቢመዘገብም በአንዳንድ አካባቢዎች የአፈፃጸም ክፍተቶች እንደነበሩም ዳይሬክተሯ ገልፀዋል፡ ፡

በቅድመ አንደኛና የመጀመሪያ ደረጃ ትምህርት የሴቶች ትምህርት ምጥጥን ከዚህ በፊት ከነበረው እየቀነሰ መምጣቱም ተጠቁሟል።

ሴት ተማሪዎችን ወደ ትምህርት ገበታ ከማምጣትም ባሻገር የማቆየትና ለውጤት እንዲበቁ የማድረግ ሥራ አሁንም ይበልጥ ተጠናክሮ መሰራት እንደሚገባም ከሚኒስቴሩ ያገኘነው መረጃ ያመላክታል።

በመድረኩ የጾታ ምጥጥን ከማጥበብ፣ የሴት ተማሪዎች ትምህርት ተሳትፎ ከማሳደግና በእቅድ አፈፃጸም ሂደት ያጋጠሙ ተግዳሮቶች ዙሪያ የተዘጋጀ እንዲሁም የ2014 ዓ.ም የንቅናቄ ሰነድ ቀርቦ በተሳታፊዎች ውይይት ተካሂዷል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.