Fana: At a Speed of Life!

የአዲስ አበባና የኦሮሚያ ልዩ ዞን ነዋሪዎች አሸባሪውን የትህነግ ቡድን በማውገዝ የሀገር አንድነትን ለመጠበቅ የዘመተውን የመከላከያ ሃይል በመደገፍ ታላቅ ሰላማዊ ሰልፍ እያካሄዱ ነው

 

አዲስ አበባ ፣ ነሐሴ 2 ፣ 2013 (ኤፍ ቢ ሲ) የአዲስ አበባና የኦሮሚያ ልዩ ዞን ነዋሪዎች አሸባሪው የትህነግ ቡድን ኢትዮጵያን ለማፈራረስ የሚያደርገውን እንቅስቃሴ በማውገዝ የመከላከያ ሰራዊታት እና ሌሎች የሀገርን ህልውና ለመጠበቅ ለተሰማሩ ሃይሎች ያላቸውን ድጋፍ ለመግልጽ ታላቅ ሰላማዊ ሰልፍ እያካሄዱ ነው።

ቁጥራቸው እጅግ ከፍተኛ የሆነ ሰልፈኞች ከማለዳ 12 ሰዓት ጀምሮ ወደ መስቀል አደባባባይ እየተመሙ ሲሆን÷ በሺዎች የሚቆጠሩ ፈረሰኞችም ተሳታፊ ሆነዋል።

አሸባሪውን የትህነግ ቡድን የሚያወግዙና የአገር አንድነትና ህልውና ለመጠበቅ የዘመተውን የመከላከያ ሃይል የሚደግፉ የተለያዩ መፈክሮችን በማሰማት ነው ሰልፈኛው በአዲሰ አበባ ጎዳናዎች እየተመመ ያለው።

በሰልፉ ላይ ከተያዙና ከተሰሙ መፈክሮች መካከል “ ለኢትዮጽያ አንድነት ዘብ እንቆማለን! በመስዋትነት የገነባናትን አገራችንን በመስዋዕትነት እንጠብቃታለን! ጀግንነት እንጂ የባንዳነት ታሪክ የለንም! ከዚህ በኋላ የሕወሐት ዝርፍያና የግድያ ተግባር የምንሸከምበት ትከሻ የለንም! ሸኔ የኦሮሞ ህዝብ ጠላት ናት! ለሕወሐት/ጁንታ መላላክ ከሃዲነትና ባንዳነት ነው! ሕገ-መንግስቱንና ፌዴራላዊ ሥርዓቱን እንደ ዓይናችን ብሌን እንጠብቀዋለን! “ የሚሉና ሌሎችም ይገኙበታል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.