Fana: At a Speed of Life!

በአፋር ክልል በህጻናት ላይ የደረሰውን ጭፍጨፋ ሚኒስቴር መስሪያ ቤቱ አወገዘ

አዲስ አበባ፣ ነሃሴ 3፣ 2013 (ኤፍ ቢ ሲ) አሸባሪው ህወሓት በአፋር ክልል ቃሊ ኩማ በተባለ ቦታ በጤና ጣቢያ ውስጥ ተጠልለው በነበሩ ንጹሀን ዜጎች ላይ ያካሄደውን ጭፍጨፋ የሴቶች ህጻናትና ወጣቶች ሚኒስቴር አወገዘ።
የሚኒስቴሩ የህግ ጉዳዮች ዳይሬክተር አቶ ደረጄ ተግይበሉ እንደገለጹት÷ አሸባሪው ቡድን በአፋር ክልል ቃሊ ኩማ ህጻናትን ጨምሮ በርካታ ንጹሀን ዜጎች ላይ ያደረሰው ጭፍጨፋ ሰብአዊነት የጎደለው ተግባር ነው ብለዋል፡፡
አሸባሪው የህወሓት ቡድን በግጭት ወቅት ልዩ ጥበቃ ሊደረግላቸው የሚገቡ ህጻናት ላይ የፈጸመውን ጭፍጨፋ ሚኒስቴር መስሪያ ቤቱ በከፍተኛ ደረጃ እንደሚያወግዘው ያመለከቱት አቶ ደረጄ÷ ጭፍጨፋውን አለም አቀፉ ህብረተሰብ እንዲያወግዘውም ነው የጠየቁት፡፡
የሚኒስቴሩ የህግ ጉዳዮች ዳይሬክተር አቶ ደረጄ ተግይበሉ ለኢትዮጰያ ፕሬስ ድርጅት እንዳስታወቁት፤ አሸባሪው የህወሓት ቡድን በአፋር ክልል ቃሊ ኩማ በ240 ንጹሀን ዜጎች ላይ ጭፍጨፋ ፈጽሟል።
ከእነዚህም መካከል 107ቱ ህጻናት ናቸው።
በአሁን ወቅት ዓለም አቀፉ ህብረተሰብ ህጻናትን በተመለከተ ያወጣቸው ህጎችና የፈረማቸው ዓለም አቀፍ ስምምነቶች ሲጣሱ እያየ እንዳላየ በማለፍ ላይ ነው ያሉት አቶ ደረጄ÷ ክስተቱ እጅግ በጣም አሳዛኝ እንደሆነም ተናግረዋል፡፡
አለም አቀፉ ህብረተሰብ ቀደም ሲልም ህጻናቱ መሳሪያ ተሸክመው ጦርነት ውስጥ ሲገቡ እያየ እንዳላየ ማለፉ የሚያሳዝንና የወንጀሉ ተባባሪ የመሆን ያህል የሚያስቆጥር ነው ማለታቸውን ኢፕድ ዘግቧል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.