Fana: At a Speed of Life!

አምባሳደር ሌንጮ ከሳኡዲ አረቢያ የውጭ ጉዳይ ሚንስትር ዴኤታ ጋር ተወያዩ

አዲስ አበባ፣ ነሀሴ 4 ፣ 2013 (ኤፍ.ቢ.ሲ) በሳዑዲ አረቢያ የኢትዮጵያ አምባሳደርሌንጮ ባቲ  ከሳዑዲ ዓረቢያ የውጭ ጉዳይ ሚኒስቴር የአፍሪካ ጉዳዮች ሚኒስትር ደኤታ አህመድ ቀጣን ጋር ተወያይተዋል።

በዚህም በሁለትዮሽ ግንኙነት፣ በሳኡዲ አረቢያ በኢትዮጵያዊያን ላይ የሚደረገው አፈሳ እንዲቆም እንዲሁም  በሳኡዲ አረቢያ  የምህረት አዋጅ ተግባራዊ በሚሆንበት ዙሪያ ውይይት አድርገዋል።

አምባሳደር ሌንጮ ባቲ በሳኡዲ አረቢያ በኢትዮጵያዊያን ላይ የሚደረገው አፈሳ እንዲቆም ጠይቀው ፥ ሚንስትር ዴኤታ አህመድ ቀጣን ከሳኡዲ አረቢያ አገር ግዛት ሚኒስቴር ጋር ተነጋግረው ይኸው እስራት እንዲቆም አዎንታዊ ምላሽ እንደሚሰጡ ቃል ገብተዋል።

ከሳኡዲ አረቢያ ተመላሽ የሆኑ ኢትዮጵያዊያን የሳኡዲ መንግስት የሰጠውን የምህረት አዋጅ እድል እንዲጠቀሙ ምቹ ሁኔታ እንዲፈጠር እስሩና ወከባው እንዲቆም  አምባሳደር ሌንጮ መጠየቃቸውን ሪያድ ከሚገኘው የኢትዮጵያ ኤምባሲ ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.