Fana: At a Speed of Life!

በጊኒ የማርበርግ ቫይረስ ተከሰተ

አዲስ አበባ፣ ነሃሴ 4፣ 2013 (ኤፍ ቢ ሲ) በምዕራብ አፍሪካዊቷ ሀገር ጊኒ ለመጀመሪያ ጊዜ የማርበርግ ቫይረስ መከሰቱ ተገለጸ፡፡

እስካሁን ድረስ በቫይረሱ አንድ ሰው ተጠቅቶ ሕይወቱ እንዳለፈ የሀገሪቱ የጤና ባለሙያዎች አረጋግጠዋል፡፡

የቫይረሱ ዝርያ የኢቦላ በሽታን ከሚያስከትለው ቫይረስ ጋር ተመሳሳይ እንደሆነና በፍጥነት እንደሚዛመትም ነው የተነገረው፡፡

ቫይረሱ ወደ ሰው የሚተላለፈው በሌሊት ወፎች አማካኝነት ሲሆን ÷ከሰውነት በሚመነጩ ፈሳሾች አማካኝነት ከሰው ወደ ሰው በቀላሉ እንደሚዛመትም ተነግሯል፡፡

አጣዳፊ ህመም፣ ብርድ ብርድ ማለትና የደም መፍሰስ የበሽታው ምልክቶች መሆናቸውን መረጃዎች ያመላክታሉ፡፡

በፈረንጆቹ 2005 ቫይረሱ በአንጎላ ከተከሰተ ወዲህ በምዕራብ አፈሪካዊቷ ሀገር ጊኒ ሲከሰት ለመጀመሪያ ጊዜ ነው፡፡

በወቅቱ በአንጎላ የተከሰተው ይህ ቫይረስ ከ200 በላይ ሰዎችን ህይወት መቅጠፉ ይታወቃል፡፡

ምንጭ፡ ቢቢሲ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.