Fana: At a Speed of Life!

የአዋሽ ወንዝ ሙላትን ተከትሎ በአፋር ክልል አሳኢታ አካባቢ ጉዳት ደረሰ

አዲስ አበባ፣ ነሃሴ 4፣ 2013 (ኤፍ ቢ ሲ) የአዋሽ ወንዝ ሙላትን ተከትሎ በአፋር ክልል አሳኢታ አካባቢ ጉዳት መድረሱ ተገለፀ፡፡
በአካባቢው 350 ሄክታር መሬት ላይ ጉዳት እንደደረሰ የክልሉ አደጋ መከላከልና ምግብ ዋስትና ቢሮ ለፋና ብሮድካስቲንግ ኮርፓሬት ገልጿል።
በቢሮው የአደጋ ስጋት ቅነሳ አስተባባሪ አቶ ሁሴን ጣሂር በአካባቢው የአዋሽ ወንዝ ሙላትን ተከትሎ 80 የሚደርሱ አባዎራዎች ከመኖሪያ ቀያቸው ተፈናቅለዋል።
ጉዳቱን ተከትሎ በአካባቢው ነዋሪዎች መቸገራቸውን ጣቢያችን በአካባቢው በነበረው ቅኝት መታዘብ ችሏል።
ፋና ብሮድካስቲንግ ኮርፖሬት በስፍራው በነበረው ቆይታም የበቆሎ፣ ስንዴ፣ ጥጥ እና ሌሎች እርሻዎች ላይ ጉዳት ደርሷል።
የወንዙን ተፋሰስ ተከትሎ በቂ እና አስተማማኝ ስራዎች ተግባራዊ መደረግ እንዳለባቸው የአካባቢው ነዋሪዎች ተናግረዋል።
አሁን ላይ ጉዳት ለደረሰባቸዉ ነዋሪዎችም ጊዜያዊና አስቸኳይ ድጋፍ ለማድረግ እየተሞከረ እንደሆነ የክልሉ አደጋ መከላከልና ምግብ ዋስትና ቢሮ ገልጿል።
በአወል አበራ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.