Fana: At a Speed of Life!

በሀረሪ ክልል በ26 ሚሊየን ብር ወጪ የሚከናወኑ ፕሮጀክቶች ተጀመሩ

አዲስ አበባ፣ ነሃሴ 4፣ 2013 (ኤፍ ቢ ሲ) የሀረሪ ክልል ርዕሰ መስተዳድር አቶ ኦርዲን በድሪ በክልሉ ከ26 ሚሊየን ብር ወጪ የሚከናወኑ የመጠጥ ውሃ እና የመስኖ ፕሮጀክቶችን አስጀምረዋል።
 
ርዕሰ መስተዳድሩ በክልሉ ከ26 ሚሊየን ብር በላይ በሆነ ወጪ የመስኖ ስራን ለማስፋፋት እና የመጠጥ ውሃ ችግርን ለመቅረፍ የሚያስችሉ 4 የተለያዩ ፕሮጀክቶችን ነው በዛሬው ዕለት ያስጀመሩት፡፡
 
የመስኖ ፕሮጅክቶቹ በተለይም በምግብ ራስን ለመቻል እና የአርሶ አደሩን ምርትና ምራታማነትን ከማጎልበት አንፃር ጉልህ ሚና እንደሚኖራቸው አቶ ኦርዲን ተናግረዋል፡፡
 
የመጠጥ ውሃ ፕሮጀክቶቹም የአካባቢው ማህበረሰብ የረጅም ጊዜ ጥያቄን የሚመልስ ስለመሆኑ ነው የጠቆሙት፡፡
 
በፕሮጀክቶችም በተለይ የክልሉ ግብርና ልማት ቢሮና ውሃና ፍሳሽ አገልግሎት ባለስልጣን በቅንጅት እያከናወኑ ያሉት አበረታች ተግባር ለሌሎችም ተቋማት አርዓያ እንደሚሆን አንስተዋል፡፡
በመሆኑም የተጀመሩ ፕሮጀክቶች በታቀደላቸው የጊዜ ገደብ እና በጥራት ማጠናቀቅና ህብረተሰቡን ተጠቃሚ የማድረግ ተግባር ትኩረት መስጠት ወሳኝ መሆኑን ገልጸዋል፡፡
 
ለዚህም የተጠናከረ ክትትልና ድጋፍ ይደረጋል ማለታቸውን ከክልሉ ኮሙዩኒኬሽን ያገኘነው መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.