Fana: At a Speed of Life!

የሰራተኛና ማህበራዊ ጉዳይ ሚኒስቴር ለመከላከያ ሰራዊት ድጋፍ አደረገ

አዲስ አበባ፣ ነሃሴ 4፣ 2013 (ኤፍ ቢ ሲ) የሰራተኛና ማህበራዊ ጉዳይ ሚኒስቴር አመራርና ሰራተኞች ለመከላከያ ሰራዊት የተለያዩ የአካል ድጋፍ ቁሳቁሶችን እንዲሁም የአንድ ወር ደመወዛቸውን ድጋፍ አደረጉ፡፡
በዚህም የአሸባሪውን ህወሃት ጥቃት በመመከት ላይ ለተሰማራው ለአገር መከላከያ ሰራዊት የሚውል 30 ዊልቼር፣ 100 ክራንች፣ 45 መረማመጃና 20 መደገፊያ በድምሩ 195 ልዩ ልዩ የአካል ድጋፍ ቁሳቁሶችን አበርክተዋል፡፡
በተጨማሪ ደም የለገሱ ሲሆን የአንድ ወር ደመወዛቸውንም አበርክተዋል፡፡
የሰራተኛና ማህበራዊ ጉዳይ ሚኒስትር ዶክተር ኤርጎጌ ተስፋዬ በርክክብ ስነ-ስርአቱ ላይ የሀገር መከላከያ ሰራዊት የአገርን ሉአላዊነት ለማስቀጠል ከክልሎች ልዩ ሀይልና ሚሊሻ ጎን በመሆን ውድ የህይወት መስዋእትነት በመክፈል ላይ ይገኛል ብለዋል፡፡
የመከላከያ ሚኒስትር ዴኤታ አቶ ጌታቸው ሃይለማሪያም በበኩላቸው ተቋሙ ለሀገር መከላከያ ሰራዊት ላበረከተው ሁሉን አቀፍ ድጋፍ ምስጋና ማቅረባቸውን ሚኒስቴር ያገኘነው መረጃ ያመላክታል፡፡

በተመሳሳይ  ሴቶች ህጻናትና ወጣቶች ሚኒስቴር ሰራተኞች  የአንድ ወር ደመወዛቸዉን ለመከላከያ ሰራዊት ለመለገስ ቃል ገቡ፡፡

ሰራተኞቹ  በማናቸዉም  ሁኔታም  ከመከላካያ ሰራዊቱ ጎን እንደሚቆሙ ተናግረዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.