Fana: At a Speed of Life!

የሪፐብሊክ ጥበቃ ሃይል በጠላት ላይ የማያዳግም እርምጃ እየወሰደ ነው

አዲስ አበባ፣ ነሃሴ 5፣ 2013 (ኤፍ ቢ ሲ) የሪፐብሊኩ ጥበቃ ሃይል ከአጋር ሃይሎች ጋር በጠላት ላይ የማያዳግም እርምጃ እየወሰደ ይገኛል፡፡
 
በሂደቱ በርካታ የጁንታው አሸባሪ ቡድን አባላት መደምሰሳቸው ነው የተገለጸው ፡፡
 
በተጨማሪም 35 የጁንታው አሸባሪ ቡድን አባላት የተማረኩ ሲሆን÷ከእነዚህ ውስጥም ከ18 አመት በታች የሚሆኑ 20 ህፃናት ይገኙበታል፡፡
 
15ቱ ደግሞ ከ18 እስከ 25 ዓመት መሆናቸውን ለማረጋገጥ መቻሉን ከመከላከያ ሰራዊት ያገኘነው መረጃ ያመላክታል፡፡
 
የምስራቅ ዕዝ ዘመቻ ሃላፊ ኮ/ል ጉደታ ኦፍጋአ÷ በአፋር ክልል ጭፍራ ግንባር በኩል የመጣውን የጁንታው አሸባሪ ቡድን ከሪፐብሊኩ ጥበቃ ሃይል እንዲሁም ከልዩ ዘመቻ ጋር በመሆን ድባቅ መመታቱን አረጋግጠዋል ፡፡
 
የኢትዮጵያ ህዝብ አሸባሪው ጁንታ በሚያስራጨው የሃሰት ወሬ መደናበር እንደለሌበተም አሳስበዋል፡፡
 
በተጨባጭ የሚወራው እና በተግባር የሚታየው በምንም መልኩ አይገናኝም ያሉት ኮ/ል ጉደታ÷ ስለሆነም ህዝባችን አንድነቱን በማጠናከር ለሰራዊቱ እያደረገው ያለውን ድጋፍ በማጠናከር መቀጠል አለበት ብለዋል፡፡
 
ከተማረኩ የጁንታው የሽብር ቡድን አባላት መካከል ለትሽ ሃድጉ÷ ጁንታው በማስገደድ ወደ ወጊያ እንዳስገባት እና በሷ እድሜ ክልል ከ18 አመት በታች በርካታ ህፃናትን በማስገደድ እና በማስገባት ትግራይን ያለ ወጣት እያስቀራት መሆኑን ተናግራለች፡፡
 
ሸዊት ፍትዊ የተባለው በበኩሉ÷የጁንታው አሸባሪ ቡድን ከመንገድ ላይ አፍሶ ወደ ውጊያ በግድ እንዳስገባቸው ነው የሚናገረው፡፡
 
ከተማረኩኝ በኋላ እነሱ ካሉት በተቃራኒ የመከላከያ ሰራዊታችን በእንክብካቤ በማከም ምግብ እና ውሃ በመስጠት ነፍሴን ታድጎኛል ብሏል፡፡
You might also like

Leave A Reply

Your email address will not be published.