Fana: At a Speed of Life!

ደቡብ ክልል በመኸር እርሻ 87 ነጥብ 7 ሚሊየን ኩንታል እንደሚሰበስብ ገለፀ

አዲስ አበባ፣ ነሃሴ 5፣ 2013 (ኤፍ ቢ ሲ) በመኸር እርሻ 87 ነጥብ 7 ሚሊየን ኩንታል እንደሚሰበስብ የደቡብ ክልል እርሻና ተፈጥሮ ሀብት ቢሮ ገልጿል፡፡

በ2013/14 የበልግ ስራዉ በዝናብ እጥረትና በአንበጣ ተምች ምክንያት 35 ነጥብ 57 ሚሊየን ኩንታል ያጣው የደቡብ ክልል÷ በመኸር ስራው 87 ነጥብ 7 ሚሊየን ኩንታል ለማግኘት ስራ መጀመሩን የቢሮዉ ምክትል ቢሮ ሀላፊና እርሻ ልማት ቢሮ ሀላፊ አቶ ዳንኤል ዳምጠው ገልፀዋል፡፡

በመኸር ስራው 1ሚሊየን 323ሺህ ሔክታር መሬት ለማልማት ያቀደው ክልሉ እስካሁን ባለው ሂደት 80 ከመቶው የሚሆነው መሬት የታረሰ ሲሆን÷ 45 ከመቶ የሚሆነው ደግሞ በዘር መሸፈኑ ነው የተገለፀው፡፡

በቀጣዮቹ ሶስት ሳምንታትም ዘር የማልበስ ስራው ሙሉ በሙሉ ይጠናቀቃል ተብሏል።

ለዚህም በክልሉ ለሚገኙ ከ7 ሺህ 100 በላይ አርሶ አደሮች የግንዛቤ ማስጨበጥ ስራ መሰራቱም ነው የተገለጸው፡፡

በበልግ ወቅት በነበረው የአንበጣ ተምች ምክንያት 173 ሺህ ሄክታር ሰብል የወደመ ሲሆን÷ በዘንድሮው የመኸር ስራ ከ20 ሚሊየን ብር በላይ በሆነ ወጪ የማካካሻ ዘር ግዢ ተፈፅሟል ብለዋል አቶ ዳንኤል፡፡

በተጨማሪም የበልግ ማሳን ገልብጦ ማረስ እንደ አቅጣጫ ተቀምጦ እየተሰራበት እንደሆነ የተገለጸ ሲሆን÷ እንደክልል የዩሪያ ማዳበሪያ እጥረት ቢኖርም 80 በመቶ የሚሆኑ ቦታዎች ላይ ማዳረስ ተችሏል ተብሏል፡፡

የዋግ በሽታ፣ የዩሪያ ማዳበሪያ እጥረትና የበቆሎ ተምችን እንደ ተግዳሮት ያስቀመጠው ቢሮው÷ አርሶ አደሮች ኬሚካሎችን በእጃቸው በማስገባት ዝግጁ መሆን እንዳለባቸውና ያገኙትን የዩሪያ ማዳበሪያም ቶሎ ወደ ምርታማነት መለወጥ እንደሚገባቸው አሳስቧል፡፡

በመቅደስ አስፋው

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.