Fana: At a Speed of Life!

ከሀገር ውስጥ ታክስ ከዕቅድ በላይ ገቢ ተሰበሰበ

አዲስ አበባ፣ ነሃሴ 6፣ 2013 (ኤፍ ቢ ሲ)ከሀገር ውስጥ ታክስ ከዕቅድ በላይ ገቢ መሰብሰቡን የገቢወች ሚኒስቴር አስታወቀ።

የገቢዎች ሚኒስቴር አመራሮች በ2013 በጀት ዓመት የዕቅድ አፈፃፀም ዛሬ በቢሾፍቱ ከተማ ውይይት እያካሄዱ ነው፡፡

ሚኒስቴር መስሪያ ቤቱ ከሀገር ውስጥ ገቢ እሰበስባለሁ ብሎ ካቀደው 164 ነጥብ 3 ቢሊየን ብር 166 ነጥብ 8 ቢሊየን ብር በመሰብሰብ ከዕቅድ በላይ አፈፃፀም አስመዝግቧል፡፡

በሚኒስቴሩ የታክስ ህግ ተገዢነት ሚኒስትር ዴኤታ አቶ ዘመዴ ተፈራ፥ በተጠናቀቀው በጀት ዓመት በኮቪድ-19 ተፅዕኖ የሸቀጦች እንቅስቃሴ የተገደበበት እና ኢትዮጵያ ያጋጠማት የፀጥታ ችግር ቢኖሩም አመርቂ የገቢ አፈፃፀም በመመዝገቡ መላው አመራርና ሰራተኛ ምስጋና ይገባቸዋል ብለዋል፡፡

የክልሎችን የጋራ ገቢ ከማሳደግ አንፃር በተሰሩ ስራዎችም 8 ነጥብ 9 ቢሊየን ብር የነበረው አጠቃላይ የጋራ ገቢ ምጣኔ በተጠናቀቀው በጀት ዓመት ወደ 22 ነጥብ 08 ቢሊየን ብር ማደጉን ገልፀዋል፡፡

ይህም ክልሎች የልማት ስራዎቻቸውን አጠናክረው እንዲቀጥሉ ያስቻለና ከገቢ መስሪያ ቤቱ ጋር ይበልጥ ተቀናጅተው እንዲሰሩ መንገድ የከፈተ መሆኑን ተናግረዋል፡፡

በቀጣይ በጀት ዓመት የተስተዋሉ የአሰራር ክፍተቶችን በሚገባ ለይቶ በማረም የተሻለ የገቢ አፈፃፀም እንዲመዘገብ ሁሉም አመራርና ሰራተኛ እንዲሁም ባለድርሻ አካላት በጋራ ሊሰሩ ይገባልም ብለዋል ማለታቸውን ከገቢዎች ሚኒስቴር ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.