Fana: At a Speed of Life!

ኢትዮጵያዊ የእርቀ ሰላም መንገዶችን ሁሉ አልቀበልም ላለው የህወሓት ቡድን ተጨማሪ ትዕግስት አያስፈልግም- የኢትዮጵያ ፐብሊክ ዲፕሎማሲ ቡድን

አዲስ አበባ፣ ነሃሴ 6፣ 2013 (ኤፍ ቢ ሲ)ኢትዮጵያዊ የእርቀ ሰላም መንገዶችን ሁሉ አልቀበልም ላለው የህወሓት ቡድን ተጨማሪ ትዕግስት አያስፈልግም ሲል የኢትዮጵያ ፐብሊክ ዲፕሎማሲ ቡድን ገለጸ፡፡

ቡድኑ በሃገራዊ ወቅታዊ ጉዳዮች ላይ እያደረገ ያለውን እንቅስቃሴ በተመለከተ መግለጫ ሰጥቷል፡፡

በመግለጫው ላለፉት 10 አመታት በብዛት በውጭ ጉዳዮች ላይ ከተለያዩ ተቋማት ጋር ሲሰራ እንደነበረ የጠቀሰው የዲፕሎማሲ ቡድኑ፤

በዚህም በተለያየ ጊዜ በኢትዮጵያ የውስጥ ጉዳዮች ላይ ጣልቃ ለመግባት የሞከሩ ሃገራት እና ተቋማትን የኢትዮጵያን እውነት ለማስረዳት የተጓዘበት ርቀት ውጤት ማምጣቱን ገልጿል፡፡

የፐብሊክ ዲፕሎማሲ ቡድኑ አሁን ላይ በኢትዮጵያ እየሆነ ያለው ጉዳይም እጅግ እንደሚያሳስበው አስታውቋል፡፡

ይሁን እንጂ አሸባሪው የህወሓት ቡድን የነበሩ መልካም ዕድሎችን በሙሉ ያበላሸ በመሆኑ ለህዝብ ለህዝብ ስራው መሳካት እንቅፋት መሆኑን ጠቅሷል፡፡

ምንም እንኳን ቡድኑ በህዝብ ለህዝብ ጉዳዮች ላይ የሚሰራ ቢሆንም አሁን ላይ በሰሜን ኢትዮጵያ ያለውን ግጭት ለማስቆም የአሸባሪው ህወሓት አካሄድ እና ወቅታዊ ሁኔታዎች አስቸጋሪ ናቸውም ብሏል፡፡

ህወሓት ከዚህ ቀደም ባሉ ኢትዮጵያዊ የግጭት መፍቻ መንገዶች ሁሉ ከአካሄዱ እንዲመለስ ሲሞከር ይህ የፐብሊክ ዲፕሎማሲ ቡድንም በተለያዩ መንገዶች ስራ ሲሰራ የቆየ ቢሆንም ሁኔታዎች ግን በፍጥነት መቀያየራቸው ጉዞውን እንዳደናቀፈበት አንስቷል፡፡

በመሆኑም ዲፕሎማሲ ቡድኑ አሁን የተነካው ህዝብ ነው ብሎ ስለሚያምን፤ ይህንን የሽብር ቡድን ለማክሰም የሚደረገውን ጥረት እንደሚያግዝ ገልጿል፡፡

በዚህም ኢትዮጵያን ወደማይመጥናት የግጭት አውድማ ያስገባውን የህወሓት ቡድን ለመደምሰስ የመከላከያ ሰራዊትን እንደሚደግፍ አስታውቋል፡፡

ኢትዮጵያን ለማዳን የደም አሻራ ጭምር እንከፍላለንም ብሏል፡፡

በሶዶ ለማ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.