Fana: At a Speed of Life!

አሸባሪው ህወሓትን ከመቃብር ለማንሳት የሚደረገውን ዓለም አቀፍ እንቅስቃሴ መመከት እንደሚገባ ባልደራስ ገለጸ

አዲስ አበባ፣ ነሃሴ 6፣ 2013 (ኤፍ ቢ ሲ) ዓለም አቀፉ ማኅበረሰብ ኢትዮጵያን አሁን ላለችበት ሁኔታ የዳረጋትን ሥርዓት ከመቃብር ለማንሳት የሚያደርገውን እንቅስቃሴ በተባበረ ክንድ መመከት እንደሚገባ ባልደራስ ለእውነተኛ ዴሞክራሲ ፓርቲ ገለጸ፡፡

የፓርቲው የሕዝብ ግንኙነት ዶክተር በቃሉ አጥናፉ “ትህነግ የአክራሪ ብሄርተኝነት የመጨረሻው ማሳያ ነው” ሲሉ ለኢዜአ ገልጸዋል፡፡

የመንግስት የተናጠል ተኩስ አቁም ውሳኔ መልካም ቢሆንም አሸባሪው ህወሓት ትንኮሳውን አለማቆሙ ለሠላም ቅንጣት ታህል ፍላጎት እንደሌለው ማሳያ እንደሆነም ነው የተናገሩት፡፡

ዓለም አቀፉም ማኅበረሰብ ኢትዮጵያን ለዚህ የዳረጋትን ሥርዓት ከመቃብር ለማስነሳት እያደረገ ያለው ጥረት ፍትሃዊነት የጎደለውና ፍጹም አድሏዊ መሆኑን ያሳያል ብለዋል፡፡

ዓለም አቀፉ ማኅበረሰብ ቡድኑ በጦር ወንጀል የሚያስጠይቀውን ሕግ ተላልፎ ሕጻናትን ለጦርነት ሲማግድ፣ በአፋር ክልል ሕፃናትን ሲረሽን ያሳየው ዝምታ ምን ያህል ወገንተኛና አድሏዊ በመሆኑ አበክረን እናወግዘዋለን ነው ያሉት፡፡

ባልደራስ ለእውነተኛ ዴሞክራሲ ፓርቲ የውጭ ጠላቶችን ጫና በመቋቋም ሽብርተኛው ህወሓትን ለማጥፋት በሚደረገው እንቅስቃሴ በማንኛውም መንገድ የመሳተፍ አገራዊ ኃላፊነት እንዳለበትም ተናግረዋል ሲል ኢቢሲ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.