Fana: At a Speed of Life!

ወ/ሮ አዳነች አቤቤ አሸባሪው ህወሃት በአፋር ክልል በሰላማዊ ዜጎች ላይ በፈፀው ጥቃት የተሰማቸውን ሃዘን ገለፁ

አዲስ አበባ፣ ነሃሴ 6፣ 2013 (ኤፍ ቢ ሲ) የአዲስ አበባ ከተማ ምክትል ከንቲባ ወይዘሮ አዳነች አቤቤ አሸባሪው ህወሃት በአፋር ክልል በ240 ሰላማዊ ዜጎች ላይ በፈፀው ጥቃት ህይወታቸውን ላጡ ኢትዮጵያውያን የተሰማቸውን ሃዘን ገለፁ፡፡
ከንቲባዋ በሃዘን መግለጫቸው ኢትዮጵያን ለማፍረስ ቆርጦ የተነሳው አሸባሪው ህወሃት በእብሪት በከፈተብን ጦርነት ምክንያት ተፈናቅለው በአፋር ክልል በመጠለያ ጣቢያ በተጠለሉ 240 ሰላማዊ ዜጎች ላይ ጥቃት መፈፀሙን አስታውሰዋል፡፡
አሸባሪው ሃይል በሰነዘረው የጭካኔ ጥቃት ህይወታቸውን ላጡ ኢትዮጵያውያን የተሰማቸውን ሃዘን በራሳቸውና በአዲስ አበባ ከተማ አስተዳደር ስም ገልፀው ለሟቾቹ ቤተሰቦች፣ ለአፋር ህዝብ እና ለመላ ኢትዮጵያውያን መጽናናትን ተመኝተዋል፡፡
አሸባሪው ህወሃት ባንዳ ቡድን ዳግም የዚህ አይነት ጥፋት የመፈጸም እድል እንዳያገኝ ኢትዮጵያውያን እጅ ለእጅ ተያይዘን ግብአተ መሬቱን ለመፈጸም የጀመርነውን ትግል አጠናክረን እንቀጥላለን ብለዋል በመልዕክታቸው።
You might also like

Leave A Reply

Your email address will not be published.