Fana: At a Speed of Life!

የህልውና ዘመቻ በኬት እስኪጠናቀቅ የተጀመረው ድጋፍ ተጠናክሮ ይቀጥላል – የጋምቤላ ክልላዊ መንግስት

አዲስ አበባ፣ ነሃሴ 6፣ 2013 (ኤፍ ቢ ሲ) የትህነግ አሸባሪ ቡድን ለመደምሰስ ለተጀመረው የህልውና ዘመቻ በኬት እስኪጠናቀቅ የተጀመረው ሁለንተናዊ ድጋፍ ተጠናክሮ ይቀጥላል ሲሉ የጋምቤላ ክልላዊ መንግስት ምክትል ርዕሰ መስተዳድር አቶ ተንካይ ጆክ አስታወቁ።

ምክትል ርዕሰ መስተዳድርና የክልሉ የድጋፍ አሳባሰቢ ኮሚቴ ሰብሳቢ አቶ ተንካይ ጆክ፥ የክልሉ ህዝብና መንግስት እስከ ወረዳ ያሉ አረደጃቶች በመጠቀም ከ33 ሚሊየን 500 ሺህ ብር ለማሰባሰብ አቅደው እየሰሩ እንደሚገኙ ለኢዜአ ተናግረዋል።

ከዚህም እስካሁን ከክልሉ ህዝብ በግንባር ለሚገኘው ሠራዊት ደጀንነቱን ለመግለጽ ከ15 ሚሊየን 750 ሺህ ብር በላይ በጥሬ ገንዘብና ዓይነት ድጋፍ ተሰባስቧል።

አሁንም ከክልሉ የተጠናከር የሰው ሃይል፣ የገንዝብ፣ ደምና የምግብ ነክ የቁሳቁስ ድጋፎች እየተሰባሰቡ እንደሚገኝ አስረድተዋል።

በክልሉ እስከ ትናንት ባለው ጊዜ የእቅዱን ግማሽ ማሳካት መቻሉን ያመለከቱት ምክትል ርዕሰ መስተዳድሩ ፥ ከተሰበሰበው  ገንዝብም ከ15 ሚሊየን ብር በላይ ጥሪ ገንዝብ፣ ቀሪው 750 ሺህ ብር ግምት ያላቸው ሰንጋ በሬዎችን ጨምሮ በዓይነት የተገኙ  የተለያዩ ምግብ ቁሳቁሶች እንደሆኑ አብራርተዋል።።

ገንዘቡ የተሰበሰበ ከመንግስት አመራሮች፣ ሰራተኞች፣ ንግዱ ማህበረሰብ፣ ባለሃበቶችና ሌሎች የህብረተሰብ ክፍሎች ነው።

የክልሉ መንግስትና ህዝብ የትህነግ አሸባሪ ቡድን ሀገር ለማፍረስ የከፈተውን ጦርነት ለመቀልበስ የተጀመረው ዘመቻ በስኬት እስኪቋጭ ድጋፋቸውን ተጠናክሮ እንደሚቀጥል ምክትል ርዕሰ መስተዳድሩ አስታውቀዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.